‘അഹംഭാവത്തിൽ നിന്ന് മോചനം’; തിരുപ്പതിയില്‍ തല മു‌ണ്ഡനം ചെയ്ത് രചന നാരായണൻ‍കുട്ടി

തിരുപ്പതി: വെങ്കിടാചലപതി ക്ഷേത്രത്തിലെത്തി തല മുണ്ഡനം ചെയ്ത് നടി രചന നാരായണൻകുട്ടി. അഹംഭാവമെല്ലാം ഉപേക്ഷിച്ച് ഭ​ഗവാന് മുന്നിൽ കീഴടങ്ങുന്നു എന്ന ക്യാപ്ഷനൊപ്പം രചന തന്നെയാണ് ഇൻസ്റ്റ​ഗ്രാം അക്കൗണ്ടിൽ ചിത്രങ്ങൾ പങ്കുവച്ചിരിക്കുന്നത്. ​ഗോവിന്ദ, ​ഗോവിന്ദ. ഞാൻ കീഴടങ്ങുന്നു. അഹംഭാവത്തിൽ നിന്ന് മോചനം നേടുന്നു. ഭഗവാന് മുന്നിൽ തമോ​ഗുണങ്ങളെ ഇല്ലാതാക്കുന്ന മഹത്തായ കർമ്മം- രചന ഇന്‍സ്റ്റാഗ്രാമില്‍ കുറിച്ചു. താരങ്ങളടക്കം നിരവധി പേരാണ് രചനയുടെ പോസ്റ്റിന് കമന്റുമായെത്തിയിരിക്കുന്നത്. നിരവധി ചലച്ചിത്ര താരങ്ങള്‍ രചനയുടെ ചിത്രങ്ങൾക്ക് കമന്റ് ചെയ്തിട്ടുണ്ട്.