കണ്ണൂർ: മധ്യവേനൽ അവധി കഴിഞ്ഞു അറിവിന്റെയും അനുഭവങ്ങളുടെയും പുതുലോകത്തേക്ക് പ്രവേശിക്കുന്ന കുരുന്നുകളെയും ഉയർന്ന ക്ലാസുകളിലേക്ക് കയറ്റം കിട്ടിയവരേയും സ്വാഗതം ചെയ്തുകൊണ്ട് കണ്ണൂർ അലവിൽ നോർത്ത് എൽ പി സ്കൂളിൽ പ്രവേശനോത്സവം വാർഡ്‌മെമ്പർ സായ് കിരൺ ടി പി ഉദ്ഘാടനം ചെയ്തു. പി ടി എ പ്രസിഡന്റ്‌ അബ്ദുൽ റസാഖ് അധ്യക്ഷനായി.
അലവിൽ മഹല്ല് ജമാഅത്ത് കമ്മിറ്റി പ്രസിഡന്റ്‌ എസ് എൽ പി മുഹമ്മദ്‌ കുഞ്ഞി, അലവിൽ ലയൺസ് ക്ലബ്ബ് പ്രസിഡന്റ്‌ ഡോ.സുനിൽ രാജ്, ചിറക്കൽ ഗ്രാമ പഞ്ചായത്ത് മെമ്പർ സുരേന്ദ്രൻ,രാജേഷ് പാറയിൽ ആശംസകൾ നേർന്നു.
അലവിൽ മഹല്ല് ജമാഅത്ത് കമ്മിറ്റി, അലവിൽ ലയൺസ് ക്ലബ്ബ്, ചിറക്കൽ സർവീസ് ബാങ്ക്, എം ബി കെ അലവിൽ ട്രസ്റ്റ്‌, അലവിൽ മാരിയമ്മൻ കോവിൽ എന്നിവർ സ്പോൺസർ ചെയ്ത പഠനോപകരണങ്ങൾ സ്കൂൾ മാനേജർ സി സി വത്സല, എസ് എൽ പി മുഹമ്മദ്‌ കുഞ്ഞി, ഡോ. സുനിൽ രാജ്, ബാലകൃഷ്ണൻ കപ്പറ്റ, എന്നിവർ വിതരണം ചെയ്തു. ഹെഡ്മാസ്റ്റർ ലിജോ ജോർജ്ജ് ഏറ്റുവാങ്ങി. സ്റ്റാഫ് സെക്രട്ടറി ശരണ്യ കെ സ്വാഗതവും, പ്രന്യ എം നന്ദിയും പറഞ്ഞു. മധുര വിതരണവും ഉണ്ടായി.