ജിദ്ദ : കുടുംബ സമേതം ഉംറ നിര്‍വ്വഹിച്ചു തിരിച്ചു പോകുന്ന മലപ്പുറം ഗവ. കോളേജ് പൂര്‍വ്വ വിദ്യാർത്ഥിയും, അധ്യാപകനും, പൂക്കോട്ടൂർ ഗ്രാമ പഞ്ചായത്തു പ്രസിന്റുമായ കെ. മുഹമ്മദ് ഇസ്മായില്‍ മാസ്റ്റർക്കു ഗവ. കോളേജ് അലുംനി അസോസി യേഷൻ ജിദ്ദ ചാപ്റ്റര്‍ സ്വീകരണം നല്‍കി.
പ്രസിഡന്റു പി. എ. അബ്ദുല്‍ റഹ്മാന്‍ അധ്യക്ഷത വഹിച്ചു, കാലാനുസൃതമായ മാറ്റങ്ങൾ ഉള്‍ക്കൊണ്ട്, കലാലയതിന്നും വിദ്യാര്‍ഥികള്‍ക്കും ഉതകുന്ന പ്രവർത്തന ങ്ങൾ ആവിഷ്കരിച്ചു മുന്നോട്ട് പോവാന്‍ അലുംനി ശ്രദ്ധിക്കണം എന്ന് സ്വീകരണത്തിന് നന്ദി രേഖപ്പെടുത്തി ഇസ്മായില്‍ മാസ്റ്റർ സൂചിപ്പിച്ചു. അലുംനി ട്രഷറര്‍ സി. പി. എസ് തങ്ങൾ, സെക്രട്ടറി കെ. എം. എ. ലത്തീഫ്, എക്സി. അംഗങ്ങൾ ആയ അഷറഫ് വരി ക്കോടന്‍, സമീര്‍ മലപ്പുറം, കെ ടി അബ്ദുള്‍ സലാം, ഉസ്മാന്‍ കോയ എന്നിവര്‍ ആശംസകള്‍ നേര്‍ന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group