ജിദ്ദ- പതിനേഴ് വർഷത്തെ പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന യു.പി.എസ് ജിദ്ദ ഓപ്പറേഷൻസ് മാനേജർ അമീനുദീന് ചെട്ടിപ്പടിക്ക് ഐ.സി.എഫ് മുഷ്‌രിഫ യൂണിറ്റ് സഹപ്രവർത്തകർ യാത്രയയപ്പ് നൽകി. മുഷ്‌രിഫ യൂണിറ്റ് ട്രഷററായ അമീനുദീൻ ജിദ്ദ, ദമാം, റിയാദ് എന്നിവിടങ്ങളിലെ യുപിഎസ് ഓഫീസുകളിൽ ഓപ്പറേഷൻസ് മാനേജറായി സേവനമനുഷ്ഠിച്ചു.
ജിദ്ദ സെൻട്രൽ ഐ സി എഫ് മീഡിയ ആന്റ് പബ്ലിക്കേഷൻ പ്രസിഡന്റ്‌ മുഹ്സിൻ സഖാഫി, മക്രോണ സെക്ടർ ഫിനാൻസ്‌ സെക്രട്ടറി സഈദ്‌ നഈമി യൂണിറ്റ് പ്രസിഡന്റ്‌ ഷരീഫ്‌ വാഴക്കാട്‌, നാസർ മണ്ണാർക്കാട്, അൻവർ കൊട്ടപ്പുറം, റഷീദ് പന്തല്ലൂർ എന്നിവർ പ്രസംഗിച്ചു. അമീനുദ്ദീൻ മറുപടി പ്രസംഗം നടത്തി.
സംഗമത്തിൽ അമീനുദീൻ തന്റെ സഹപ്രവർത്തകരോടും നന്ദി പറഞ്ഞു. പതിനേഴു വർഷം തന്റെ ജീവിതത്തിലെ ഏറ്റവും സന്തോഷകരമായ വർഷങ്ങളായിരുന്നുവെന്നും സൗഹൃദം എന്നും കാത്തുസൂക്ഷിക്കാനാകട്ടെ എന്നും അദ്ദേഹം പറഞ്ഞു.