കുവൈത്ത്: പ്രവാസി മലയാളി വനിതയെ ഗള്‍ഫില്‍ തൂങ്ങിമരിച്ച നിലയില്‍ കണ്ടെത്തി. വയനാട് മുട്ടില്‍ സൗത്ത് കാക്കവയല്‍ സ്വദേശിനി അത്തക്കര വീട്ടില്‍ അജിത വിജയനെ (50) ആണ് കുവൈത്തിലെ താമസസ്ഥലത്ത് തൂങ്ങിമരിച്ച നിലയില്‍ കണ്ടെത്തിയത്. സുലൈബിയയില്‍ വീട്ടുജോലിക്കാരിയായിരുന്നു. യശോദരന്റെയും സത്യഭാമയുടെയും മകളാണ്. ഭര്‍ത്താവ്: വിജയന്‍. മക്കള്‍: പ്രത്യുഷ്, മിധുഷ.
സുലൈബിയ ഏരിയയിലെ സ്‌പോൺസറുടെ വീട്ടിൽ ഒരു വീട്ടുജോലിക്കാരി തൂങ്ങി ആത്മഹത്യ ചെയ്‌തതായി അൽ-അൻബ ദിനപത്രം കഴിഞ്ഞ ദിവസം റിപ്പോർട്ട് ചെയ്തിരുന്നു. ഇവരുടെ സ്‌പോൺസർ ഇക്കാര്യം ആഭ്യന്തര മന്ത്രാലയത്തെ അറിയിച്ചതിനെ തുടർന്ന് സുരക്ഷാ സേന വീട്ടിൽ വന്ന് പരിശോധിക്കുകയായിരുന്നു. ഒരു തുണി കഷണത്തിൽ സീലിംഗിൽ തൂങ്ങിക്കിടക്കുന്ന നിലയിലായിരുന്നു മൃതദേഹം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group