ഇറാന് ആവശ്യമായ മുഴുവൻ സഹായവും നൽകും-സൗദി അറേബ്യ

റിയാദ്: ഇറാൻ പ്രസിഡന്റ് ഇബ്രാഹീം റെയ്സിയും പ്രതിനിധി സംഘവും സഞ്ചരിച്ച ഹെലികോപ്റ്റർ അപകടത്തിൽ പെട്ടതിൽ ആശങ്ക പ്രകടിപ്പിച്ച് സൗദി അറേബ്യ. ഈ ദുഷ്കരമായ സഹചര്യത്തിൽ ഇറാന് ആവശ്യമായ മുഴുവൻ സഹായവും നൽകാൻ സൗദി അറേബ്യ തയ്യാറാണെന്ന് വിദേശകാര്യമന്ത്രാലയം പുറത്തിറക്കിയ പ്രസ്താവനയിൽ വ്യക്തമാക്കി.

വിദേശകാര്യ മന്ത്രാലയത്തിൻ്റെ പ്രസ്താവന:

ഇസ്ലാമിക് റിപ്പബ്ലിക് ഓഫ് ഇറാൻ പ്രസിഡൻ്റ് ഹിസ് എക്‌സലൻസി ഡോ. ഇബ്രാഹിം റെയ്സിയും പ്രതിനിധി സംഘവും സഞ്ചരിച്ച ഹെലികോപ്റ്റർ അപകടം സംബന്ധിച്ച് മാധ്യമങ്ങളിൽ പ്രചരിച്ച കാര്യങ്ങൾ സൗദി അറേബ്യ വളരെ ആശങ്കയോടെയാണ് പിന്തുടരുന്നത്.

ഈ ദുഷ്‌കരമായ സാഹചര്യത്തിൽ ഇറാനൊപ്പം രാജ്യം നിലകൊള്ളുന്നുവെന്നും ഏത് സഹായവും നൽകാൻ തയ്യാറാണെന്നും മന്ത്രാലയം വിശദീകരിച്ചു.