സ്ലോവാക് പ്രധാനമന്ത്രിക്ക് വെടിയേറ്റു

ബ്രാറ്റിസ്ലാവ: സർക്കാർ യോഗത്തിന് ശേഷം പുറത്തിറങ്ങുന്നതിനിടെ സ്ലോവാക് പ്രധാനമന്ത്രി റോബർട്ട് ഫിക്കോയ്ക്ക് വെടിവെപ്പിൽ പരിക്കേറ്റു. വാർത്താ ഏജൻസിയായ ടി.എ.എസ്.ആറാണ് ഇക്കാര്യം റിപ്പോർട്ട് ചെയ്തത്.
ഫിക്കോയ്ക്ക് വെടിയേറ്റ് പരിക്കേറ്റതായി പാർലമെൻ്റ് വൈസ് ചെയർമാൻ ലുബോസ് ബ്ലാഹയെ ഉദ്ധരിച്ച് ഏജൻസി പറഞ്ഞു.

നിരവധി വെടിയൊച്ചകൾ താൻ കേട്ടതായും ഒരാളെ പോലീസ് കസ്റ്റഡിയിലെടുക്കുന്നത് കണ്ടതായും റോയിട്ടേഴ്‌സ് ദൃക്‌സാക്ഷി പറഞ്ഞു.