റിയാദ്- ഇന്നലെ (ഞായറാഴ്ച) വൈകീട്ട് റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെയുണ്ടായ ആക്രമണത്തിൽ കൊല്ലപ്പെട്ടത് പാക്കിസ്ഥാൻ സ്വദേശിയാണെന്ന് ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു. 11 പേർക്കാണ് പരിക്കേറ്റത്. ഇവരെ ആശുപത്രിയിലേക്ക് മാറ്റി. സംഭവത്തിൽ ഭൗതിക നാശനഷ്ടങ്ങളും ഉണ്ടായിട്ടുണ്ടെന്നും അത് വിലയിരുത്തി വരികയാണെന്നും അതോറിറ്റി പ്രസ്താവനയിൽ കൂട്ടിച്ചേർത്തു.
ഇന്നലെ വൈകുന്നേരം ദമാം കിംഗ് ഫഹദ് അന്താരാഷ്ട്ര വിമാനത്താവളത്തിനു നേരെയും ആക്രമണമുണ്ടായി. ബന്ധപ്പെട്ട വകുപ്പുകളുമായി ഏകോപിച്ച് നാശനഷ്ടങ്ങളുടെ വിലയിരുത്തലുകളും സുരക്ഷാ പരിശോധനകളും നടന്നുകൊണ്ടിരിക്കുകയാണെന്ന് അതോറിറ്റി വിശദീകരിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group