തിരുവനന്തപുരം- മുൻ മുഖ്യമന്ത്രി പിണറായി വിജയനെ ദൽഹി പോലീസ് കസ്റ്റഡിയിൽനിന്ന് ഉടൻ മോചിപ്പിക്കണമെന്ന് മുഖ്യമന്ത്രി വി.ഡി സതീശൻ ആവശ്യപ്പെട്ടു. ചീഫ് സെക്രട്ടറി വഴി ദൽഹി റസിഡന്റ് കമ്മീഷണറോട് വിവരം ശേഖരിക്കാൻ ആവശ്യപ്പെട്ട മുഖ്യമന്ത്രി അദ്ദേഹത്തെ വിട്ടയക്കാൻ ആവശ്യമായ നടപടി സ്വീകരിക്കാനും ആവശ്യപ്പെട്ടു. നിലവിൽ മന്ദിർമാർഗ് സ്റ്റേഷനിലുള്ള പിണറായിയെ ഉടൻ മോചിപ്പിക്കുമെന്ന് പോലീസ് ഉറപ്പു നൽകിയതായി റസിഡന്റ് കമ്മീഷണർ അറിയിച്ചതായി മുഖ്യമന്ത്രിയുടെ ഓഫീസ് അറിയിച്ചു.
Deeply concerned and strongly condemn the arbitrary detention of Shri Pinarayi Vijayan (Leader of Opposition, Keralam) by the Delhi Police. He is currently being held at Mandir Marg Police Station. On my instructions, the Chief Secretary, Keralam and the Resident Commissioner in New Delhi are in direct contact with Delhi Police authorities to coordinate all necessary steps for his immediate release. #VDSatheesan #Keralam
— V D Satheesan (@vdsatheesan) October 10, 2026
മുഖ്യമന്ത്രിയുടെ വാക്കുകൾ
ഡൽഹി പോലീസ് മുൻ കേരള മുഖ്യമന്ത്രിയും പ്രതിപക്ഷ നേതാവുമായ ശ്രീ പിണറായി വിജയനെ അനാവശ്യമായി തടഞ്ഞുവെച്ചതിൽ ആഴത്തിലുള്ള ആശങ്ക രേഖപ്പെടുത്തുന്നതോടൊപ്പം അതിനെ ശക്തമായി അപലപിക്കുകയും ചെയ്യുന്നു.
ഡൽഹി റസിഡന്റ് കമ്മീഷണർ മുഖേന സാഹചര്യം വിലയിരുത്താനും ഡൽഹി പോലീസുമായി ഏകോപനം നടത്താനും ചീഫ് സെക്രട്ടറിക്ക് നിർദ്ദേശം നൽകിയിട്ടുണ്ട്. നിലവിൽ മന്ദിർമാർഗ് പോലീസ് സ്റ്റേഷനിലുള്ള ശ്രീ പിണറായി വിജയനെ ഉടൻ മോചിപ്പിക്കുമെന്ന് പോലീസ് അറിയിച്ചിട്ടുണ്ട്.
സമാധാനപരമായ ജനാധിപത്യ പ്രതിഷേധത്തിനുള്ള മൗലികാവകാശം നേതാക്കൾക്ക് നിഷേധിക്കുന്നത് നമ്മുടെ ഭരണഘടനാ മൂല്യങ്ങൾക്ക് നേരെയുള്ള നേരിട്ടുള്ള കടന്നുകയറ്റമാണ്. പോലീസിന്റെ അതിക്രമങ്ങളിലൂടെ വിയോജിപ്പുകളെ അടിച്ചമർത്താനാവില്ല.