റിയാദ്- വാദിദവാസിറിലെ ഒട്ടക സൂക്കിന് സമീപം ഹദീദിയ റോഡില്‍ സൈക്കിളില്‍ സഞ്ചരിക്കുകയായിരുന്ന രണ്ട് ഇന്ത്യക്കാര്‍ കാറിടിച്ച് മരിച്ചു. തമിഴ്‌നാട് കന്യാകുമാരി സ്വദേശികളായ ശ്രീകുമാര്‍, ശശികുമാര്‍ എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന സൈക്കിളിന് പിന്നില്‍ സ്വദേശി പൗരന്‍ ഓടിച്ച പിക്കപ്പ് വാന്‍ ഇടിച്ചാണ് അപകടമുണ്ടായത്. നിയമനടപടികള്‍ പൂര്‍ത്തീകരിച്ച് മൃതദേഹങ്ങള്‍ നാട്ടിലെത്തിക്കും.
നടപടിക്രമങ്ങള്‍ പൂര്‍ത്തിയാക്കുന്നതിന് കെഎംസിസിസി വാദിദവാസിര്‍ സെന്‍ട്രല്‍ കമ്മിറ്റി ജീവകാരുണ്യ വിഭാഗം ചെയര്‍മാന്‍ സത്താര്‍ കായംകുളം, അംഗങ്ങളായ സലീം പൊരുകര, നിയാസ് കോട്ടപ്പുറം എന്നിവര്‍ രംഗത്തുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group