ജിദ്ദ – തെല്‍അവീവില്‍ നടത്തിയ ഡ്രോണ്‍ ആക്രമണത്തിന് തിരിച്ചടിയെന്നോണം യെമനില്‍ ഹൂത്തി നിയന്ത്രണത്തിലുള്ള അല്‍ഹുദൈദയില്‍ ഏതാനും ലക്ഷ്യങ്ങള്‍ക്കു നേരെ ഇസ്രായില്‍ ശക്തമായ വ്യോമാക്രമണങ്ങള്‍ നടത്തി.
യെമനില്‍ ഇസ്രായില്‍ ആക്രമണം നടത്തിയതായി മുതിര്‍ന്ന അമേരിക്കന്‍ വൃത്തങ്ങള്‍ സ്ഥിരീകരിച്ചു. തെല്‍അവീവില്‍ നടത്തിയ ഡ്രോണ്‍ ആക്രമണത്തിന് തിരിച്ചടിയെന്നോണമാണ് ഇസ്രായിലി യുദ്ധവിമാനങ്ങള്‍ അല്‍ഹുദൈദയില്‍ ആക്രമണങ്ങള്‍ നടത്തിയതെന്ന് ഇസ്രായിലി മാധ്യമങ്ങള്‍ റിപ്പോര്‍ട്ട് ചെയ്തു. പശ്ചാത്യ, ഇസ്രായില്‍ കപ്പലുകള്‍ക്കു നേരെ ചെങ്കലില്‍ വെച്ച് ഹൂത്തികള്‍ നിരവധി തവണ ആക്രമണങ്ങള്‍ നടത്തുകയും ഇതിന് തിരിച്ചടിയെന്നോണം അമേരിക്കയും ബ്രിട്ടനും യെമനില്‍ ആക്രമണങ്ങള്‍ നടത്തുകയും ചെയ്തിട്ടുണ്ടെങ്കിലും ഇതാദ്യമായാണ് യെമനില്‍ ഇസ്രായില്‍ നേരിട്ട് ആക്രമണം നടത്തുന്നത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group