ഇസ്രായിൽ സൈന്യത്തിന്റെ ഡ്രോണുകൾ ഇറാൻ തകർത്തു

ടെഹ്റാൻ: ഇറാൻ ലക്ഷ്യം വെച്ച് ഇസ്രായിൽ തൊടുത്തുവിട്ട ഡ്രോണുകൾ ഇറാൻ സൈന്യം തകർത്തു. ഇറാനിലെ ഇസ്ഫഹാന് നേരെ നടത്തിയ വ്യോമാക്രമണമാണ് ഇറാൻ തകർത്തത്. സിറിയയിലെ തങ്ങളുടെ കാര്യാലയത്തിന് നേരെ ഇസ്രായിൽ നടത്തിയ ആക്രമണത്തിനെതിരെ കഴിഞ്ഞ ദിവസം ഇസ്രായിലിലേക്ക് ഇറാൻ ആക്രമണം നടത്തിയിരുന്നു. ഇതിനുള്ള പ്രതികാരമായാണ് ഇസ്രായിലിന്റെ ആക്രമണം. അതേസമയം, ഇറാനിലെ ഒരു പ്രദേശത്തിന് നേരെ ഇസ്രായിൽ ആക്രമണം നടത്തി. എന്നാൽ ഇത് സംബന്ധിച്ച് ഇസ്രായിൽ പ്രതികരിച്ചിട്ടില്ല.

ഇറാനിലെ പല നഗരങ്ങളിലെയും വിമാന സർവീസുകൾ താൽക്കാലികമായി നിർത്തിവച്ചു. സിറിയയിലും ഇറാഖിലും സ്‌ഫോടനങ്ങൾ നടന്നതായും റിപ്പോർട്ടുകളുണ്ട്.