ഗാസയിൽ അതിശൈത്യം; മൂന്ന് മാസം പ്രായമുള്ള കുഞ്ഞ് മരിച്ചു, മരണം പത്തായി​

ഗാസ സിറ്റി– ഇസ്രായിൽ ഉപരോധവും വെടിനിർത്തൽ കരാർ ലംഘനങ്ങളും തുടരുന്നതിനിടെ ഗാസ മുനമ്പിൽ അതിശൈത്യം മൂലം മരിക്കുന്ന കുട്ടികളുടെ എണ്ണം വർധിക്കുന്നു. ശൈത്യകാലം ആരംഭിച്ചതിനുശേഷം തണുപ്പ് താങ്ങാനാവാതെ ഇതുവരെ പത്ത് കുട്ടികൾ മരിച്ചതായി പലസ്തീൻ ആരോഗ്യ മന്ത്രാലയം ശനിയാഴ്ച അറിയിച്ചു. ​ഏറ്റവും ഒടുവിലായി മൂന്ന് മാസം പ്രായമുള്ള അലി അബു സൗർ എന്ന കുഞ്ഞാണ് അൽ-അഖ്സ രക്തസാക്ഷി ആശുപത്രിയിൽ തണുപ്പ് മൂലം മരണപ്പെട്ടത്