ബരാക് ഒബാമയുടെ ഭാര്യ സ്ത്രീ വേഷം ധരിച്ച പുരുഷനാണെന്ന് എറോൾ മസ്ക്

ന്യൂയോർക്ക്- അമേരിക്കയുടെ മുൻ പ്രസിഡന്റ് ബരാക് ഒബാമയുടെ ഭാര്യ മിഷേൽ ഒബാമ സ്ത്രീ വേഷം ധരിച്ച പുരുഷനാണെന്ന് ശതകോടീശ്വരൻ എലോൺ മസ്കിന്റെ പിതാവ് എറോൾ മസ്ക്. ബരാക് ഒബാമ ഒരു “ക്വിയർ” ആണെന്നും എറോൾ മസ്ക് ആരോപിച്ചു. ഓൺലൈനിൽ പരിഹാസ്യമായ അവകാശവാദങ്ങൾ ഉന്നയിക്കുന്നതിൽ ഒരു മടിയുമില്ലാത്തയാളാണ് എറോൾ.

“ഒബാമ ഒരു സ്ത്രീ വേഷം ധരിക്കുന്ന പുരുഷനെ വിവാഹം കഴിച്ച ഒരു ക്വിയർ ആണെന്ന് ഞങ്ങൾക്കറിയാം. എല്ലാവർക്കും അക്കാര്യം അറിയാമെന്നും അഭിമുഖത്തിനിടെ എറോൾ പറഞ്ഞു. “മിഷേൽ ഒബാമ ഒരു പുരുഷനാണോ?” എന്ന അവതാരകന്റെ ചോദ്യത്തോട്, “തീർച്ചയായും, നിങ്ങൾക്കത് അറിയില്ലേ?” എന്നായിരുന്നു എറോളിന്റെ മറുപടി. 2014 ൽ ഹാസ്യനടൻ ജോൺ റിവേഴ്‌സ് ഇക്കാര്യം പറഞ്ഞിരുന്നുവെന്നും എന്നാൽ രണ്ടാഴ്ച്ചക്കിടെ ജോൺ മരിച്ചുവെന്നും എറോൾ പറഞ്ഞു.