ആല്‍ബെട്ട– കാനഡയിലെ യൂണിവേഴ്‌സിറ്റി ഓഫ് കാല്‍ഗറിയില്‍ ഇന്ത്യന്‍ വിദ്യാര്‍ഥിയെ മരിച്ച നിലയില്‍ കണ്ടെത്തി. ഡല്‍ഹി സ്വദേശിയായ ടാന്യ ത്യാഗിയാണ് മരിച്ചത്. ഇന്ത്യന്‍ കോണ്‍സുലേറ്റാണ് മരണ വിവരം പുറത്തുവിട്ടത്. മരണകാരണം അധികൃതര്‍ പുറത്തുവിട്ടില്ല. ഹൃദയാഗാതം മൂലമാണ് മരണപ്പെട്ടതെന്ന് സമൂഹമാധ്യമങ്ങളില്‍ പലരും പ്രചരിപ്പിക്കുന്നുണ്ട്. മൃതദേഹം എത്രയും പെട്ടെന്ന് നാട്ടിലെത്തിക്കാന്‍ വേണ്ട സഹായങ്ങള്‍ കേന്ദ്ര സര്‍ക്കാര്‍ സ്വീകരിക്കണമെന്ന് ബന്ധുക്കള്‍ ആവശ്യപ്പെട്ടു.
വിദേശ രാജ്യങ്ങളില്‍ ദുരൂഹ സാഹചര്യത്തിലുള്ള ഇന്ത്യന്‍ വിദ്യാര്‍ഥികളുടെ അതിലെ അസ്വഭാവികതയും വലിയ ആശങ്കയാണ് മാതാപിതാക്കളില്‍ ഉണ്ടാക്കുന്നത്. കഴിഞ്ഞ മാസം ആം ആദ്മി പാര്‍ട്ടി നേതാവിന്റെ മകള്‍ വന്‍ഷിക സൈനിയെ കാനഡയിലെ ഒട്ടാവ ബീച്ചിന് സമീപം മരിച്ച നിലയില്‍ കണ്ടെത്തിയിരുന്നു. ഈ മരണത്തിന് പിന്നിലും എന്താണ് സംഭവിച്ചതെന്ന് കണ്ടെത്താന്‍ അധികൃതര്‍ക്ക് കഴിഞ്ഞിരുന്നില്ല.