ഇറാനും ഇസ്രായിലും തമ്മിലുള്ള 12 ദിവസത്തെ യുദ്ധത്തില് ഇറാനില് ഇസ്രായിലിന്റെ ഗ്രൗണ്ട് കമാന്ഡോ ഗ്രൂപ്പുകള് പ്രവര്ത്തിച്ചിരുന്നതായി ഇസ്രായിലി ചീഫ് ഓഫ് സ്റ്റാഫ് ലെഫ്റ്റനന്റ് ജനറല് ഇയാല് സമീര് വ്യക്തമാക്കി. നമ്മുടെ വ്യോമസേനയുടെയും ഗ്രൗണ്ട് കമാന്ഡോ ഗ്രൂപ്പുകളുടെയും പ്രവര്ത്തന ഫലമായാണ് യുദ്ധത്തില് ഇസ്രായില് വിജയങ്ങള് കൈവരിച്ചത്. ഗ്രൗണ്ട് കമാന്ഡോ ഗ്രൂപ്പുകള് ഇറാന്റെ ഹൃദയഭാഗത്ത് രഹസ്യമായി പ്രവര്ത്തിച്ചു. ഇത് ഞങ്ങള്ക്ക് പൂര്ണമായ പ്രവര്ത്തന സ്വാതന്ത്ര്യം അനുവദിച്ചു – ഇസ്രായില് സൈന്യം പുറത്തിറക്കിയ വീഡിയോ ക്ലിപ്പില് ഇയാല് സമീര് പറഞ്ഞു. ഇസ്രായിലി സൈനികര് ഇറാനുള്ളില് യുദ്ധത്തില് പങ്കെടുത്തെന്ന ഇസ്രായിലിന്റെ ആദ്യ പ്രഖ്യാപനമാണിത്. ഇപ്പോഴത്തെ സൈനിക നടപടി അവസാനിച്ചെങ്കിലും സൈനിക പ്രചാരണം ഇതുവരെ പൂര്ത്തിയായിട്ടില്ല. നിരവധി വെല്ലുവിളികള് മുന്നിലുള്ളതിനാല് നമ്മള് ജാഗ്രത പാലിക്കണമെന്ന് ഇയാല് സമീര് വീഡിയോയില് പറഞ്ഞു.
Tuesday, September 29
Breaking:
- ജുബൈൽ ദഅവ സമ്മേളനത്തിന് ഉജ്ജ്വല സമാപനം; സൗദിയിൽ ഇസ്ലാഹി സെന്റർ കാമ്പയിന് തുടക്കമായി
- മലപ്പുറത്തെ പ്രമുഖ വ്യവസായി കെ.പി മുഹമ്മദാലി ഹാജി അന്തരിച്ചു
- മിഡിൽ ഈസ്റ്റിൽ നിന്ന് പുറത്തുപോകാൻ അമേരിക്ക നിർബന്ധിതമാകും: മുജ്തബ ഖാംനഇ
- ഫെയർഫോർഡ് ബ്രിട്ടീഷ് വ്യോമസേനാ താവളത്തിന് നേരെ ആക്രമണ ശ്രമം: ആരോപണം നിഷേധിച്ച് ഇറാൻ
- യു.എസ് വ്യോമയാന ഉപരോധം: ഐക്യരാഷ്ട്രസഭയിൽ പരാതി നൽകി ഇറാൻ
