അണ്ടർ 17 സാഫ് കപ്പ്; നേപ്പാളിനെ 7 ​ഗോളുകൾക്ക് തകർത്ത് ഇന്ത്യൻ പെൺപുലികൾ

തിംഫു– സാഫ് അണ്ടർ 17 വനിതാ ചാമ്പ്യൻഷിപ്പിന്റെ ആദ്യ മത്സരത്തിൽ ഇന്ത്യ നേപ്പാളിനെ 7-0ന് തോൽപ്പിച്ചു. ഭൂട്ടാനിലെ തിംഫുവിലെ ചാംഗ്ലിമിതാങ് സ്റ്റേഡിയത്തിലാണ് ഉദ്ഘാടന മത്സരം അരങ്ങേറിയത്.

അഭിസ്ത ബസ്നെറ്റ്, നീരാ ചനു ലോങ്‌ജം, അനുഷ്ക കുമാരി എന്നിവർ രണ്ട് ഗോളുകൾ വീതവും ക്യാപ്റ്റൻ ജൂലൻ നോങ്‌മൈതേം ഒരു ഗോളും നേടി.ആദ്യ പകുതിയിൽ തന്നെ 5-0-ത്തിന് ഇന്ത്യ മുന്നിലെത്തിയിരുന്നു.

പുതിയ ഡബിൾ റൗണ്ട് ഫോർമാറ്റിൽ നടക്കുന്ന ടൂർണമെന്റിൽ ഇന്ത്യ, നേപ്പാൾ, ബംഗ്ലാദേശ്, ഭൂട്ടാൻ എന്നീ നാല് ടീമുകൾ ആറ് മത്സരങ്ങൾ കളിക്കും. ജോകിം അലക്സാണ്ടർസൺ പരിശീലിപ്പിക്കുന്ന ഇന്ത്യൻ ടീം ഓഗസ്റ്റ് 22 വെള്ളിയാഴ്ച്ച ബംഗ്ലാദേശിനെ നേരിടും