കോഴിക്കോട്: സന്തോഷ് ട്രോഫി ഫൈനല്‍ റൗണ്ടില്‍ പ്രവേശിച്ച് കേരളം. ഇന്ന് നടന്ന മല്‍സരത്തില്‍ ലക്ഷ്വദീപിനെ എതിരില്ലാത്ത 10 ഗോളിന് പരാജയപ്പെടുത്തിയാണ് കേരളം ഫൈനല്‍ റൗണ്ടിലേക്ക് കടന്നത്. ഇഎംഎസ് കോര്‍പ്പറേഷന്‍ സ്റ്റേഡിയത്തില്‍ നടന്ന മല്‍സരത്തിന്റെ ആദ്യ പകുതിയില്‍ കേരളം 4-0 ന് മുന്നിട്ടുനിന്നു.
പകരക്കാരനായ സജീഷ് ഇ ഹാട്രിക്ക് നേടിയപ്പോള്‍ മുഹമ്മദ് അജ്‌സല്‍, ഗനി അഹമ്മദ് നിഗം എന്നിവര്‍ രണ്ട് വീതം ഗോളുകള്‍ നേടി. ബുധനാഴ്ച നടന്ന ആദ്യ മത്സരത്തില്‍ കേരളം റെയില്‍വേയെ 1-0 ന് പരാജയപ്പെടുത്തിയിരുന്നു. മറ്റൊരു മല്‍സരത്തില്‍ പോണ്ടിച്ചേരിയെ 10-1 എന്ന സ്‌കോറിനാണ് റെയില്‍വേ തകര്‍ത്തത്. ഗ്രൂപ്പില്‍ കേരളം ഒന്നാമതാണ്. ഗ്രൂപ്പ് എച്ച് യോഗ്യതാ മത്സരങ്ങള്‍ ഞായറാഴ്ച അവസാനിക്കും. കേരളം പോണ്ടിച്ചേരിയെയും ലക്ഷദ്വീപ് റെയില്‍വേയെയും നേരിടും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group