നെയ്മർ പരിശീലനത്തിന്, തിയതി പ്രഖ്യാപിച്ച് പരിശീലകൻ

റിയാദ്:  ബ്രസീൽ ഫുട്ബോൾ താരം, അൽ ഹിലാലിന്റെ നെയ്മർ വീണ്ടും കളിക്കളത്തിലെത്തുന്ന തിയതി പ്രഖ്യാപിച്ചു. അൽ ഹിലാലിന്റെ ഗ്രൂപ്പ് പരിശീലനം ജൂൺ 20 നും ജൂലൈ 14 നും ഇടയിൽ നടക്കുമെന്ന് നെയ്മറിന്റെ ഫിസിഷ്യൻ റിക്കാർഡോ റോസ സ്ഥിരീകരിച്ചു.

അൽ ഹിലാലിന്റെ പരിശീലനത്തിൽ ചേരാൻ താരം മേൽപ്പറഞ്ഞ കാലയളവിൽ തയ്യാറാകുമെന്ന് ഫ്രഞ്ച് പത്രമായ ഫ്രാൻസ് ഫുട്‌ബോളിന് നൽകിയ പ്രസ്താവനയിൽ റോസ വ്യക്തമാക്കി. 

അടുത്ത ഓഗസ്റ്റിൽ തുടങ്ങുന്ന മത്സരങ്ങളിൽ താരത്തിന് പങ്കെടുക്കാമെന്ന് നെയ്മറിനെ ചികിത്സിക്കുന്ന ഡോക്ടർ പ്രഖ്യാപിച്ചിരുന്നു.

കഴിഞ്ഞ വർഷം 2023 ഒക്ടോബറിൽ ലോകകപ്പ് യോഗ്യതാ മത്സരത്തിൽ ബ്രസീലിയൻ ദേശീയ ടീമിന്റെ മത്സരത്തിനിടെ നെയ്മറിന്റെ കാലിന് പരിക്കേറ്റിരുന്നു. അൽ ഹിലാലിനായി അഞ്ചു തവണ കളത്തിലിറങ്ങിയ നെയ്മർ നാലു ഗോളുകളാണ് നേടിയത്.