Close Menu
The Malayalam NewsThe Malayalam News
    Facebook X (Twitter) Instagram YouTube
    Sunday, May 11
    Breaking:
    • പാക്കിസ്ഥാന്‍ വെടിനിര്‍ത്തല്‍ ലംഘിച്ചെന്ന് ഇന്ത്യ; ശക്തമായി തിരിച്ചടിക്കുമെന്ന് മുന്നറിയിപ്പ്
    • ഇന്ത്യ-പാക് വെടിനിര്‍ത്തല്‍ കരാര്‍ സ്വാഗതം ചെയ്ത് സൗദിയും യു.എ.ഇയും
    • യുദ്ധഭ്രാന്തിന്റെ കൂട്ടപ്പാട്ടിന് താളം പിടിക്കാൻ തൽക്കാലം സൗകര്യമില്ല-എം.സ്വരാജ്
    • വീടിന് തീപിടിച്ച് അടിമാലിയിൽ രണ്ട് കുട്ടികൾ ഉൾപ്പെടെ നാല് പേർ വെന്തുമരിച്ചു
    • ഇന്തോനേഷ്യന്‍ ഹജ് തീര്‍ഥാടക വിമാനത്തില്‍ കുഴഞ്ഞുവീണ് മരിച്ചു
    • About Us
    • Contact Us
    Facebook X (Twitter) Instagram YouTube WhatsApp
    The Malayalam NewsThe Malayalam News
    Join Now
    • Home
    • Gulf
      • Community
      • Saudi Arabia
      • UAE
      • Qatar
      • Oman
      • Kuwait
      • Bahrain
    • World
    • India
    • Kerala
    • Leisure
      • Entertainment
      • Travel
    • Happy News
    • Business
      • Market
      • Personal Finance
    • Auto
    • Technology
      • Gadgets
    • Sports
      • Football
      • Cricket
      • Other Sports
    • Jobs
    The Malayalam NewsThe Malayalam News
    Home»Sports»Football

    കേരള ബ്ലാസ്റ്റേഴ്‌സിന്റെ പ്ലേ ഓഫ് പ്രതീക്ഷകള്‍ക്ക് തിരിച്ചടി; ഈസ്റ്റ് ബംഗാളിനോട് പരാജയം

    സ്‌പോര്‍ട്‌സ് ലേഖികBy സ്‌പോര്‍ട്‌സ് ലേഖിക24/01/2025 Football Sports 3 Mins Read
    Share: WhatsApp Facebook Twitter Telegram LinkedIn
    Share
    WhatsApp Facebook Twitter Telegram LinkedIn

    കൊല്‍ക്കത്ത: പുതുവര്‍ഷത്തിലെ ആദ്യ തോല്‍വി ഏറ്റുവാങ്ങി കേരള ബ്ലാസ്റ്റേഴ്‌സ് എഫ്‌സി. ഐഎസ്എല്ലില്‍ കൊല്‍ക്കത്തന്‍ വമ്പന്മാരായ ഈസ്റ്റ് ബംഗാള്‍ എഫ്‌സിക്ക് മുന്നിലാണ് കേരള ബ്ലാസ്റ്റേഴ്‌സ് വീണത്. ഈസ്റ്റ് ബംഗാളിന്റെ ഹോം ഗ്രൗണ്ടില്‍ നടന്ന മത്സരത്തില്‍ ഒന്നിനെതിരെ രണ്ട് ഗോളുകള്‍ക്കാണ് മഞ്ഞപ്പടയുടെ പരാജയം. ഇരുപതാം മിനിറ്റില്‍ പിവി വിഷ്ണുവും, എഴുപത്തിരണ്ടാം മിനിറ്റില്‍ ഹിജാസി മഹറുമാണ് ഈസ്റ്റ് ബംഗാളിനായി വല കുലുക്കിയത്. കേരള ബ്ലാസ്റ്റേഴ്‌സിന്റെ ഏക ഗോള്‍ എണ്‍പത്തിനാലാം മിനിറ്റില്‍ ഡാനിഷ് ഫാറൂഖ് നേടി.

    തുടക്കത്തില്‍ ബ്ലാസ്റ്റേഴ്സ് ഈസ്റ്റ് ബംഗാളിനെ സമ്മര്‍ദത്തിലാക്കി. കോറു സിങും നോഹയും ഈസ്റ്റ് ബംഗാള്‍ പ്രതിരോധത്തെ പരീക്ഷിച്ചു. 14ാം മിനിറ്റില്‍ ഈസ്റ്റ് ബംഗാള്‍ ഗോളിനായി ആദ്യശ്രമം നടത്തി. ഡയമന്റകോസിന്റെ കരുത്തുറ്റൊരു ഷോട്ടിനെ ഒറ്റക്കൈ കൊണ്ട് സച്ചിന്‍ സുരേഷ് ഗതിമാറ്റി. തൊട്ടടുത്ത നിമിഷം ബോക്സിന് തൊട്ടുപുറത്ത് നിന്ന് ലഭിച്ച ഫ്രീകിക്കില്‍ ക്ലെയ്റ്റന്‍ സില്‍വ നേരിട്ടുള്ള ഷോട്ടിന് ശ്രമിച്ചു. സച്ചിന്‍ സുരേഷ് പന്തിനെ തടഞ്ഞെങ്കിലും കൈപ്പിടിയിലാക്കാനായില്ല. ക്ലോസ് റേഞ്ചില്‍ റിച്ചാര്‍ഡ് സെലിസ് മറ്റൊരു ശ്രമം നടത്തിയെങ്കിലും വിഫലമായി. സെറ്റ്പീസിലൂടെ ഈസ്റ്റ് ബംഗാള്‍ ബ്ലാസ്റ്റേഴ്സ് ഗോള്‍മുഖത്ത് തുടര്‍ന്നു.

    മലയാളം ന്യൂസ് വാട്സാപ്പ് ചാനലിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക

    21ാം മിനിറ്റില്‍ അവര്‍ ലക്ഷ്യം കണ്ടു. സ്വന്തം ബോക്സില്‍ നിന്ന് പന്ത് പിടിച്ചെടുത്ത് മുന്നേറിയ ക്ലെയ്റ്റണ്‍ വലതുപാര്‍ശ്വത്തില്‍ നിന്ന മലയാളി താരം പിവി വിഷ്ണുവിന് ക്രോസ് നല്‍കി. പന്തുമായി ബോക്സിലേക്ക് കുതിച്ച വിഷ്ണു, ബ്ലാസ്റ്റേഴ്സ് പ്രതിരോധത്തിന്റെയും ഗോളിയുടെയും ആശയക്കുഴപ്പം മുതലെടുത്ത് ഇടങ്കാല്‍ കൊണ്ട് വലയിലേക്ക് പന്തിനെ മനോഹരമായി പ്ലേസ് ചെയ്തു. വലക്ക് മുന്നില്‍ കോറു സിങിനും പന്തിനെ ക്ലിയര്‍ ചെയ്യാനായില്ല. 26ാം മിനിറ്റില്‍ ബോക്സിന്റെ ഒത്തനടുവില്‍ നിന്ന് ക്ലെയ്റ്റന്‍ സില്‍വയുടെ ഒരു വലങ്കാലന്‍ ഷോട്ട് സച്ചിന്‍ സുരേഷ് അതേമികവില്‍ വലയ്ക്ക് മുകളിലാക്കി.

    34ാം മിനിറ്റില്‍ അഡ്രിയാന്‍ ലൂണ പന്തുമായി ബംഗാള്‍ ബോക്സിലേക്ക് കുതിച്ചെങ്കിലും ലാല്‍ ചുങ്നുംഗ തടഞ്ഞിട്ടു, പക്ഷേ പെനാല്‍റ്റിക്കായുള്ള അപ്പീല്‍ റഫറി അംഗീകരിച്ചില്ല. തൊട്ടുപിന്നാലെ റിച്ചാര്‍ഡ് സെലിസിന്റെ ഒരു ഷോട്ട് ഇടതുപോസ്റ്റില്‍ തട്ടിത്തെറിച്ചു. 39ാം മിനിറ്റില്‍ ബ്ലാസ്റ്റേഴ്സ് കോര്‍ണര്‍ നേടി. ലൂണയുടെ ക്രോസില്‍ ജിമെനെസ് ഹെഡറിന് ശ്രമിച്ചു, ലക്ഷ്യം പാളി. ആദ്യപകുതി അവസാനിക്കുന്നതിന് തൊട്ടുമുമ്പ് നിഷു കുമാറിന്റെ കട്ട് ബാക്ക് സച്ചിന്‍ സുരേഷ് സമര്‍ഥമായി ഡൈവ് ചെയ്ത് ലക്ഷ്യത്തിന് പുറത്താക്കി. ആദ്യപകുതിയില്‍ ലക്ഷ്യത്തിലേക്ക് ഒരു ഷോട്ട് പോലും പായിക്കാന്‍ ബ്ലാസ്റ്റേഴ്സിന് കഴിഞ്ഞില്ല.

    ഇടവേളയ്ക്കുശേഷം ബ്ലാസ്റ്റേഴ്സ് ആക്രമിച്ചുകളിച്ചു. വലതുവിങില്‍ നിന്ന് ബോക്സില്‍ നോഹയെ ലക്ഷ്യമാക്കി ലൂണ മനോഹരമായി പന്ത് കൈമാറി, പക്ഷേ പ്രഭ്സുഖന്‍ ഗില്‍ പന്തിനെ നിയന്ത്രണത്തിലാക്കി. തൊട്ടടുത്ത മിനിറ്റില്‍ ബോക്സിനരികെ ഡയമന്റകോസിന്റെ ഷോട്ട് കൃത്യം സച്ചിന്‍ സുരേഷിന്റെ കയ്യിലെത്തി. ഒപ്പമെത്താന്‍ ബ്ലാസ്റ്റേഴ്സ് ഈസ്റ്റ് ബംഗാള്‍ ബോക്സിലേക്ക് ഇരച്ചുകയറി, നോഹ സദൂയിയായിരുന്നു ആക്രമണം നയിച്ചത്. തുടര്‍ച്ചയായി ആതിഥേയരുടെ വല ലക്ഷ്യമാക്കി പന്തെത്തി. ബോക്സിന് തൊട്ടുപുറത്ത് നോഹ നല്‍കിയ മികച്ചൊരു പന്തില്‍ ഫ്രെഡി ഹെഡറിന് ശ്രമിച്ചെങ്കിലും ലക്ഷ്യം തെറ്റി. ബ്ലാസ്റ്റേഴ്സ് കളിയിലെ ആദ്യമാറ്റം വരുത്തി, ഡ്രിന്‍സിച്ചിന് പകരം പെപ്ര കളത്തിലെത്തി.

    60ാം മിനിറ്റില്‍ നോഹയുടെ ലോങ് റേഞ്ചറും ലക്ഷ്യം കാണാതെ പോയി. ബോക്സിനകത്ത് നോഹയുടെ മറ്റൊരു ഗോള്‍ശ്രമം കൂടി ബംഗാള്‍ നിര ബ്ലോക്ക് ചെയ്തു. പ്രത്യാക്രമണത്തിന് സന്ദര്‍ശകര്‍ ശ്രമിച്ചെങ്കിലും ഹോര്‍മിപാം തടയിട്ടു. കോറു സിങിന് പകരക്കാരനായി ലാല്‍തന്‍മാവിയ എത്തി. ബ്ലാസ്റ്റേഴ്സ് സമനിലക്കായി ആഞ്ഞു ശ്രമിക്കവേ ഈസ്റ്റ് ബംഗാള്‍ രണ്ടാം ഗോളിലെത്തി. കോര്‍ണര്‍ കിക്കില്‍ നിന്നുളള പന്തിന് മാര്‍ക്ക് ചെയ്യപ്പെടാതെ നിന്നിരുന്ന ജോര്‍ദാന്‍ താരം ഹിജാസി മഹെര്‍ കൃത്യം തലവച്ചു, ക്ലോസ് റേഞ്ചിലെ ഹെഡറില്‍ അനാസായം വല കുലുങ്ങി.

    രണ്ട് ഗോള്‍ ലീഡ് വഴങ്ങിയെങ്കിലും ബ്ലാസ്റ്റേഴ്സ് പതറാതെ കളിച്ചു, പെപ്രയും ജിമിനെസും തുടര്‍ച്ചയായി ആക്രമണങ്ങള്‍ നടത്തി. 80ാം മിനിറ്റില്‍ വിബിന്‍ മോഹനന് പകരം ഡാനിഷ് ഫാറൂഖ് കളത്തില്‍, ആ മാറ്റം കളിയിലും പ്രതിഫലിച്ചു. 84ാം മിനിറ്റില്‍ ലൂണയുടെ കോര്‍ണര്‍ കിക്കില്‍ നിന്നുള്ള പന്ത് ഹിജാസി മഹെര്‍ വലയ്ക്ക് മുന്നില്‍ ക്ലിയര്‍ ചെയ്തു. വീണ്ടും ബോക്സില്‍ വീണ പന്ത് പിടിച്ചെടുക്കാന്‍ ഇരുടീമുകളുടെയും ശ്രമം. പന്ത് നേടിയ ഡാനിഷ് ഫാറൂഖ് മനോഹരമായൊരു ഹാഫ് വോളിയിലൂടെ വലയുടെ വലത് മുകള്‍ഭാഗത്ത് പന്ത് പതിപ്പിച്ചു. അവസാന മിനിറ്റുകളില്‍ പെപ്ര രണ്ട് ശ്രമങ്ങള്‍ കൂടി നടത്തിയെങ്കിലും ഈസ്റ്റ് ബംഗാളിന്റെ ജയം തടയാനായില്ല.

    18 റൗണ്ട് മത്സരങ്ങള്‍ കഴിയുമ്പോള്‍ 21 പോയിന്റുമായി ലീഗില്‍ എട്ടാം സ്ഥാനത്താണ് കേരള ബ്ലാസ്റ്റേഴ്‌സ്. ആറ് ജയവും മൂന്ന് സമനിലകളും, ഒമ്പത് പരാജയങ്ങളുമാണ് ടീമിന്റെ അക്കൗണ്ടില്‍. അതേ സമയം ജയത്തോടെ 17 കളികളില്‍ 17 പോയിന്റായ ഈസ്റ്റ് ബംഗാള്‍ പോയിന്റ് പട്ടികയില്‍ പതിനൊന്നാം സ്ഥാനത്താണ്. ജനുവരി 30ന് ചെന്നൈയിന്‍ എഫ്സിയുമായാണ് ബ്ലാസ്റ്റേഴ്സിന്റെ അടുത്ത മത്സരം. ചെന്നൈ ജവഹര്‍ലാല്‍ നെഹ്റു സ്റ്റേഡിയമാണ് വേദി.

    ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group
    isl-2024-25 Kerala Blasters
    Latest News
    പാക്കിസ്ഥാന്‍ വെടിനിര്‍ത്തല്‍ ലംഘിച്ചെന്ന് ഇന്ത്യ; ശക്തമായി തിരിച്ചടിക്കുമെന്ന് മുന്നറിയിപ്പ്
    10/05/2025
    ഇന്ത്യ-പാക് വെടിനിര്‍ത്തല്‍ കരാര്‍ സ്വാഗതം ചെയ്ത് സൗദിയും യു.എ.ഇയും
    10/05/2025
    യുദ്ധഭ്രാന്തിന്റെ കൂട്ടപ്പാട്ടിന് താളം പിടിക്കാൻ തൽക്കാലം സൗകര്യമില്ല-എം.സ്വരാജ്
    10/05/2025
    വീടിന് തീപിടിച്ച് അടിമാലിയിൽ രണ്ട് കുട്ടികൾ ഉൾപ്പെടെ നാല് പേർ വെന്തുമരിച്ചു
    10/05/2025
    ഇന്തോനേഷ്യന്‍ ഹജ് തീര്‍ഥാടക വിമാനത്തില്‍ കുഴഞ്ഞുവീണ് മരിച്ചു
    10/05/2025

    Subscribe to News

    Get the latest sports news from The Malayalam News about Gulf, Kerala, India, world, sports and politics.

    Facebook X (Twitter) Instagram YouTube

    Gulf

    • Saudi
    • UAE
    • Qatar
    • Oman
    • Kuwait
    • Bahrain

    Updates

    • India
    • Kerala
    • World
    • Business
    • Auto
    • Gadgets

    Entertainment

    • Football
    • Cricket
    • Entertainment
    • Travel
    • Leisure
    • Happy News

    Subscribe to Updates

    Get the latest creative news from The Malayalam News..

    © 2025 The Malayalam News
    • About us
    • Contact us
    • Privacy Policy
    • Terms & Conditions

    Type above and press Enter to search. Press Esc to cancel.