റിയാദ്- ഈ സീസണിൽ തോൽവി അറിയാതെ കുതിക്കുന്ന ഹിലാലിന്റെ കുതിപ്പിനെ തടയാൻ അൽ നസറിനുമായില്ല. റിയാദ് ഡെർബിയിൽ ആദ്യ മിനിറ്റിൽ ഒരു ഗോൾ നേടി മുന്നിലെത്തിയെങ്കിലും നസറിനെ കളി തീരാൻ ഏതാനും നിമിഷം മാത്രം ശേഷിക്കേ ലഭിച്ച പെനാൽറ്റിയിലൂടെ ഹിലാൽ സമനിലയിലാക്കി. ഇതോടെ ഈ സീസണിൽ ഒരു മത്സരത്തിലും പരാജയം അറിയാതെ സൗദി റോഷൻ ലീഗ് ഫുട്ബോളിന്റെ പോയിന്റ് പട്ടികയിൽ ഒന്നാം സ്ഥാനത്ത് തുടരുകയാണ് ഹിലാൽ. 39 മത്സരങ്ങളിൽ 29-ലും വിജയിച്ച ഹിലാൽ മൂന്നു മത്സരങ്ങളിൽ സമനില വഴങ്ങി.
കളിയുടെ ഒന്നാമത്തെ മിനിറ്റിൽ അൽ നസറിനായി ഒട്ടാവിയോയാണ് ആദ്യ ഗോൾ നേടിയത്. റൊണാൾഡോയുടെ പാസിലായിരുന്നു ഗോൾ പിറന്നത്. ബോക്സിന് പുറത്തുനിന്ന് ഒട്ടാവിയോയ്ക്ക് നൽകിയ പന്ത്, പോസ്റ്റിന്റെ വലതുമൂലയിലേക്ക് അടിച്ചുകയറ്റുകയായിരുന്നു.
കളി തീരാൻ ഏതാനും നിമിഷം മാത്രം ശേഷിക്കേ, ഹിലാലിന് ലഭിച്ച പെനാൽറ്റി അലക്സാണ്ടർ മിത്രോവിച് ഗോളാക്കി പരാജയം ഒഴിവാക്കുകയും ചെയ്തു.