ലണ്ടൻ– ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റി, ന്യൂകാസ്റ്റൽ യുണൈറ്റഡ് എന്നിവർ ജയം നേടിയപ്പോൾ മറ്റൊരു മത്സരത്തിലും പരാജയപ്പെട്ട് കരുത്തരായ ടോട്ടൻഹാം.
ലീഡ്‌സ് യുണൈറ്റഡിനെതിരെ രണ്ടിനെതിരെ മൂന്നു ഗോളുകൾക്ക് സ്വന്തം തട്ടകത്തിൽ കഷ്ടിച്ചാണ് മുൻ ചാമ്പ്യന്മാരായ സിറ്റി വിജയിച്ചത്. ആദ്യം രണ്ടു ഗോളുകൾ അടിച്ച് മുന്നിലെത്തിയെ സിറ്റി രണ്ടു ഗോളുകൾ വഴങ്ങി സമനില മുന്നിൽ കണ്ടെങ്കിലും ഇഞ്ചുറി സമയത്ത് നേടിയ വിജയം നേടിക്കൊടുത്തത്. സിറ്റിക്ക്‌ വേണ്ടി ഫിൽ ഫോഡൻ ഇരട്ട ഗോളുകളും ( ഒന്നാം മിനുറ്റ്, 90+1), ജോസ്കോ ഗ്വാർഡിയോൾ ( 25) എന്നിവരാണ് ഗോളുകൾ നേടിയത്. സന്ദർശകർക്ക് വേണ്ടി ഡൊമിനിക് കാൽവർട്ട്-ലൂവിൻ ( 49), ലൂക്കാസ് എൻമെച്ച (66) എന്നിവരും വല കുലുക്കി.
ന്യൂകാസ്റ്റൽ യുണൈറ്റഡ് ഒന്നിനെതിരെ നാലു ഗോളിന്റെ തകർപ്പൻ ജയമാണ് എവർട്ടണിനെതിരെ സ്വന്തമാക്കിയത്. എവർട്ടണിന്റെ തട്ടകത്തിൽ നടന്ന മത്സരത്തിൽ സന്ദർശകർക്ക് വേണ്ടി മാലിക് ലേ തിയാവ് ( ഒന്നാം മിനുറ്റ്, 58) ഇരട്ട ഗോളുകളും ലൂയിസ് മൈലി ( 25), നിക്ക് വോൾട്ട്മേഡ് ( 45) എന്നിവർ ഗോൾ വീതവും നേടി വിജയത്തിൽ മുഖ്യ പങ്കു വഹിച്ചു. ആതിഥേയരുടെ ആശ്വാസ ഗോൾ നേടിയത് ഡ്യൂസ്ബറി-ഹാൾ 70-ാം മിനുറ്റിലാണ്.
മറ്റൊരു മത്സരത്തിൽ കരുത്തരായ ടോട്ടൻഹാം സ്വന്തം കാണികൾക്ക് മുന്നിൽ ഫുൾഹാമിനോട്‌ ഒന്നിനെതിരെ രണ്ടു ഗോളുകൾക്ക് പരാജയപ്പെട്ടു. മത്സരത്തിന്റെ നാലാം മിനുറ്റിൽ കെന്നി ടെറ്റെയും ആറാം മിനുറ്റിൽ ഹാരി വിൽസൺ നേടിയ ഗോളുകളാണ് സന്ദർശകർക്ക് വിജയം നേടിക്കൊടുത്തത്. ടോട്ടൻഹാമിന്റെ ആശ്വാസ ഗോൾ നേടിയത് മുഹമ്മദ് കുഡൂസ് ( 59-ാം മിനുറ്റ്) ആണ്.
മറ്റു മത്സരങ്ങൾ
ബ്രെന്റ്ഫോഡ് – 3 ( ഇഗോർ തിയാഗോ – 81 – പെനാൽറ്റി, 86 / അബൂബക്കർ ഔട്ടാര – 90+2)
ബേൺലി – 1 ( സിയാൻ ഫ്ലെമിംഗ് – 85 – പെനാൽറ്റി)
സണ്ടർലാൻഡ് – 3 ( എൻസോ ലീ ഫീ – 30 – പെനാൽറ്റി / ഇസിഡോർ ട്രോറെ – 46/ ബ്രയാൻ ബ്രോബി – 69)
ബോൺമത്ത് – 2 ( അമിൻ അഡ്‌ലി – ഏഴ് / ടൈലർ ആഡംസ് – 15)