ലണ്ടൻ– ഇംഗ്ലീഷ് പ്രീമിയർ ലീഗിലെ നോർത്ത് ലണ്ടൻ ഡെർബിയിൽ ആർസണലിന് ജയം. ഒന്നിനെതിരെ നാല് ഗോളുകൾക്കാണ് ടോട്ടൻഹാം ഹോട്ട്സ്പറിനെ പീരങ്കിപ്പട തകർത്തത്. ആർസണലിന് വേണ്ടി എബെറെച്ചി എസെയുടെ ഹാട്രിക് നേടി കളം നിറഞ്ഞു. 41, 46,76 മിനുറ്റുകളിൽ ഗോളുകൾ നേടിയാണ് താരം ഹാട്രിക് തികച്ചത്. എസെയുടെ ഫുട്ബോൾ കരിയറിലെ ആദ്യ ഹാട്രിക്കും ഇത് തന്നെയാണ്. മറ്റൊരു ഗോൾ നേടിയത് ബെൽജിയൻ താരമായ ലിയാൻഡ്രോ ട്രോസാർഡാണ് ( 36-ാം മിനുറ്റിൽ ). ടോട്ടൻഹാമിന്റെ ആശ്വാസ ഗോൾ പിറന്നത് റിച്ചാർലിസണിന്റെ ബൂട്ടിൽ നിന്നാണ്.
ജയത്തോടെ 12 മത്സരങ്ങളിൽ നിന്ന് 29 പോയിന്റുള്ള ആർസണൽ ഒന്നാമത് തുടരുകയാണ്. രണ്ടാമതുള്ള ചെൽസി ആറു പോയിന്റ് പിറകിലാണ്.
മറ്റൊരു മത്സരത്തിൽ ആസ്റ്റൺ വില്ല ഒന്നിനെതിരെ രണ്ടു ഗോളുകൾക്ക്‌ ലീഡ്‌സ് യുണൈറ്റഡിന് പരാജയപ്പെടുത്തി. ഒരു ഗോളിന് പിന്നിട്ടു നിന്ന ശേഷം രണ്ടു ഗോളുകൾ തിരിച്ചടിച്ചാണ് വില്ല ജയം നേടിയത്. വില്ലക്ക്‌ വേണ്ടി മോർഗൻ റോജേഴ്സാണ് രണ്ടു ഗോളുകളും നേടിയത് (48,75 മിനുറ്റികളിൽ). ലീഡ്‌സിന് വേണ്ടി ആശ്വാസ ഗോൾ നേടിയത് ലൂക്കാസ് എൻമെച്ച എട്ടാം മിനുറ്റിലാണ്. വില്ല പോയിന്റ് പട്ടികയിൽ നിലവിൽ നാലാമതാണ്.