മാഡ്രിഡ്: സ്പാനിഷ് ലീഗില്‍ റയല്‍ മാഡ്രിഡിന് മിന്നും ജയം. എസ്പാനിയോളിനെതിരേ 4-1ന്റെ ജയമാണ് റയല്‍ നേടിയത്. റയലിനായി ഡാനി കാര്‍വജല്‍, റൊഡ്രിഗോ, വിനീഷ്യസ് ജൂനിയര്‍, കിലിയന്‍ എംബാപ്പെ എന്നിവര്‍ സ്‌കോര്‍ ചെയ്തു. വിനീഷ്യസ് ജൂനിയറിന്റെ ഗോളിന് അസിസ്റ്റ് ഒരുക്കിയത് എംബാപ്പെയായിരുന്നു. റൊഡ്രിഗോയുടെ ഗോളിന് വഴിയൊരുക്കിയത് വിനീഷ്യസ് ജൂനിയറായിരുന്നു. എസ്പാനിയോളിന്റെ ഏക ഗോള്‍ റയലിന്റെ കുര്‍ട്ടോയിസിന്റെ സെല്‍ഫ് ഗോളായിരുന്നു
റയല്‍ വലാഡോളിഡ്-റയല്‍ സോസിഡാഡ് മല്‍സരം ഗോള്‍രഹിത സമനിലയില്‍ കലാശിച്ചു. ലാസ് പാല്‍മാസിനെ ഒസാസുന 2-1നും പരാജയപ്പെടുത്തി. ജിറോണയെ വലന്‍സിയ എതിരില്ലാത്ത രണ്ട് ഗോളിനും പരാജയപ്പെടുത്തി.
ഇന്ന് അര്‍ദ്ധരാത്രി നടക്കുന്ന മല്‍സരത്തില്‍ ബാഴ്‌സലോണ വിയ്യാറയലിനെ നേരിടും. അത്‌ലറ്റിക്കോ മാഡ്രിഡ് റയോ വാല്‍ക്കാനോയെയും നേരിടും. സ്പാനിഷ് ലീഗില്‍ ബാഴ്‌സ ഒന്നാമതും റയല്‍ രണ്ടാംമതും അത്‌ലറ്റിക്കോ മാഡ്രിഡ് മൂന്നാമതും തുടരുന്നു. വിയ്യാറയല്‍ നാലാം സ്ഥാനത്ത് തുടരുന്നു.