റിയാദ്- കെ.എം.സി.സി നാഷണൽ സോക്കറിൽ റിയാദ്, ദമാം തല മൽസരത്തിൽ ഒന്നിനെതിരെ രണ്ട് ഗോളിന് ദീമ ടിഷ്യൂ ഖാലിദിയക്ക് ജയം. ആദ്യ പകുതി അവസാനിക്കുന്നതിന് മുമ്പ് യൂത്ത് ഇന്ത്യ ഹസീമിലൂടെ ആദ്യ ഗോൾ കണ്ടത്തി. തുടർന്ന് ഖാലിദിയ മുന്നേറ്റനിര എങ്ങിനെയും ഗോൾ മടക്കാനായി മികച്ച മുന്നേറ്റം പുറത്തെടുത്തു. നിരന്തര ശ്രമങ്ങൾക്കൊടുവിൽ ഇരുപത്തിരണ്ടാം നമ്പർ ജേഴ്സി അണിഞ്ഞ മുഹമ്മദ് ഇനാസ് ഗോൾ മടക്കി.
ഗോൾ മടങ്ങിയതോടെ ലീഡുയർത്താനുള്ള ശ്രമങ്ങൾ ഇരു ടീമുകളും സജീവമാക്കുന്നതിനിടെ ഒരു ഗോൾ ലീഡുയർത്തി (2- 1 ) ഖാലിദിയ എഫ്.സി തുടർന്ന് പ്രതിരോധം ശക്തമാക്കി അവസാനം വരെ പിടിച്ചു നിന്ന ഖാലിദിയ എഫ്. സി നിർണ്ണായകമായ മൂന്ന് പോയൻ്റ് സ്വന്തമാക്കി. കംഫർട്ട് ട്രാവൽസ് മാൻ ഓഫ് ദ മാച്ച് പുരസ്കാരത്തിന് റിംമിനെ തെരഞ്ഞെടുത്തു പുരസ്കാരം മുജീബ് പാറമ്മൽ കൈമാറി.
രണ്ടാം മൽസരത്തിൽ കറിപോട്ട് റോയൽ ഫോക്കസ് ലൈൻ പസിഫിക് ബദർ എഫ്.സി മൽസരം ഇരുടീമുകളും തമ്മിൽ ഓരോ ഗോൾ വീതം നേടി തുല്യത പാലിച്ചു. മൽസരത്തിൻ്റെ ആദ്യ പകുതിയിൽ തന്നെ കറിപോട്ട് റോയൽ ഫോക്കസ് ലൈൻ മുഹമ്മദ് ഫത്തീനിലൂടെ ലീഡു നേടി. രണ്ടാം പകുതി തുടങ്ങിയപ്പോൾ തന്നെ മൂന്നാം നമ്പർ ജേഴ്സി അണിഞ്ഞ ഹസനിലൂടെ ബദർ എഫ്.സി സമനില കണ്ടെത്തി. തുടർന്ന് ലീഡുയർത്താൻ ശ്രമങ്ങൾ ഇരു ഭാഗത്തും ഉണ്ടായെങ്കിലും അന്തിമ വിസിൽ വരെ ഇരു ടീമുകളും സമനില തുടർന്നു. ബദർ എഫ്.സിയുടെ ഹസൻ മാൻ ഓഫ് ദ മാച്ച് പുരസ്കാരത്തിന് അർഹനായി. പുരസ്ക്കാരം ഗ്ലോബൽ ട്രാവൽ ആൻ ടൂറിസം മാനേജിംഗ് ഡയറക്ടർ ഹനീഫ കട്ടച്ചിറ കൈമാറി. സത്താർ താമരത്ത് ആ മുഖ പ്രഭാഷണം നടത്തി.
സി.പി മുസ്തഫ അധ്യക്ഷത വഹിച്ചു . എൻ.സി.പി ബാങ്ക് റിയാദ് ഏരിയ മാനേജർ വലീദ് അൽ ജലവി ഉൽഘാടനം ചെയ്തു. വി.കെ മുഹമ്മദ് കെ.എം.സി.സി നാഷണൽ കമ്മിറ്റി , അബ്ദുല്ല വല്ലാഞ്ചിറ , സലീംകളക്കര , രഘുനാഥ് പറശ്ശനികടവ് ( ഒ.ഐ.സി.സി ) കാഹീം ചേളാരി (കേളി ) സുധീർ കുമ്മിൾ ( നവോദയ) ഷാനവാസ് കരുനാഗപ്പള്ളി ( MK ഫുഡ്സ്) സലീം തിരൂരങ്ങാടി ( ഫ്രണ്ടി പേ) ലുഖ്മാൻ ഇസ്ലാമാബാദ് (ഫ്രണ്ടി പാക്കേജ് ) സലീം മാഹി ( മാധ്യമം) സൈഫുകളായി ( റിഫ) , യഹ് യ കൊടുങ്ങല്ലൂർ , സലീം ആർത്തിയിൽ , ജലീൽ തിരൂർ , മുഹമ്മദ് വേങ്ങര ,മൊയ്തീൻ കുട്ടി തെന്നല വിവിധ സെൻട്രൽ , ജില്ലാ ഏരിയ , മണ്ഡലം ഭാരവാഹികൾ സംസാരിച്ചു . അലി അൽ ഖഹ്ത്താനിയുടെ നേതൃത്വത്തിലുള്ള റഫറി പാനൽ മൽസരങ്ങൾ നിയന്ത്രി ച്ചു . ഷക്കീൽ തിരൂർക്കാടിൻ്റെ നേതൃത്വത്തിൽ ടെക്നിക്കൽ കമ്മിറ്റി പ്രവർത്തിച്ചു . ചീഫ് കോ ഓർഡിനേറ്റർ മുജീബ് ഉപ്പട ചടങ്ങുകൾക്ക് നേതൃത്വം നൽകി . റഫീഖ് പുല്ലൂർ , കബീർ വൈലത്തൂർ എന്നിവർ വളണ്ടിയർ വിഭാഗം കൈകാര്യം ചെയ്തു