റിയാദ്: പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ അല്‍ നസര്‍ വിടാനൊരുങ്ങുന്നു. ജനുവരി ട്രാന്‍സ്ഫറില്‍ താരം കൂടുമാറുമെന്നാണ് സൗദിയില്‍ നിന്നുള്ള റിപ്പോര്‍ട്ട്. എന്നാല്‍ താരം സൗദി വിട്ടുപോവില്ലെന്നും അല്‍ ഹിലാല്‍ ആണ് പുതിയ തട്ടകമെന്നും റിപ്പോര്‍ട്ട് ഉണ്ട്. അല്‍ ഹിലാല്‍ സൂപ്പര്‍ താരം നെയ്മര്‍ തുടര്‍ച്ചയായ പരിക്കുകളെ തുടര്‍ന്ന് ക്ലബ്ബ് വിട്ടേക്കുമെന്നും സ്ഥിരീകരിക്കാത്ത റിപ്പോര്‍ട്ടുണ്ട്.
നെയ്മറെ റിലീസ് ചെയ്യാന്‍ അല്‍ ഹിലാലിനും ആലോചനയുണ്ട്. നെയ്മറിന് പകരം റൊണാള്‍ഡോയെ ടീമിലെത്തിക്കാനാണ് അല്‍ ഹിലാല്‍ ശ്രമിക്കുക. ഇതിനായി അല്‍ ഹിലാല്‍ തയ്യാറായി കഴിഞ്ഞതായും വിദേശമാധ്യമങ്ങള്‍ റിപ്പോര്‍ട്ട് ചെയ്യുന്നു. 2022ല്‍ മാഞ്ചസ്റ്റര്‍ യുനൈറ്റഡില്‍ നിന്നും സൗദിയിലെത്തിയ താരം അല്‍ നസറിനായി 83 മല്‍സരങ്ങളില്‍ നിന്ന് 73 ഗോള്‍ നേടിയിട്ടുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group