കാൻസസ്: 2022-ൽ ഖത്തറിലെ ലൂസേൽ സ്റ്റേഡിയത്തിൽ എവിടെയാണോ അവർ നിർത്തിയത്, അവിടെനിന്നുതന്നെ അവർ വീണ്ടും തുടങ്ങി! ലോകചാമ്പ്യന്മാരുടെ പകിട്ടുമായി 2026 അമേരിക്കൻ ലോകകപ്പിന്റെ അങ്കത്തട്ടിലിറങ്ങിയ അർജന്റീനയ്ക്ക് വിസ്മയകരമായ തുടക്കം. കാൻസസ് സ്റ്റേഡിയത്തെ പ്രകമ്പനം കൊള്ളിച്ച പോരാട്ടത്തിൽ ആഫ്രിക്കൻ കരുത്തരായ അൾജീരിയയെ എതിരില്ലാത്ത മൂന്ന് ഗോളുകൾക്കാണ് നിലവിലെ ചാമ്പ്യന്മാർ തകർത്തത്.
ഫുട്ബോൾ ലോകത്തെ വിസ്മയിപ്പിച്ചുക്കൊണ്ട് സാക്ഷാൽ ലയണൽ മെസ്സി നേടിയ തകർപ്പൻ ഹാട്രിക്കാണ് അർജന്റീനയ്ക്ക് തകർപ്പൻ വിജയം സമ്മാനിച്ചത്. മത്സരത്തിന്റെ ഒരു ഘട്ടത്തിലും നിലവിലെ ചാമ്പ്യന്മാർക്ക് ഭീഷണിയുയർത്താൻ അൾജീരിയയ്ക്കായില്ല. മെസ്സിയുടെ മാന്ത്രിക ചുവടുകൾക്ക് മുന്നിൽ ആഫ്രിക്കൻ പ്രതിരോധപ്പൂട്ട് ഓരോന്നായി തകർന്നടിയുകയായിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group