കോഴിക്കോട്: ഡോക്ടറുടെ വ്യാജ തിരിച്ചറിയൽ കാർഡുമായി യുവതി പിടിയിൽ. കോഴിക്കോട് മെഡിക്കൽ കോളേജിലാണ് വനിതാ ഡോക്ടറെന്ന വ്യാജ ഐഡി കാർഡുമായി കറങ്ങിനടന്ന യുവതി പിടിയിലായത്. ലക്ഷദ്വീപ് സ്വദേശിനി സുഹറാബിയാണ് പിടിയിലായതെന്ന് പോലീസ് പറഞ്ഞു.
യുവതിക്കെതിരെ ഐ.പി.സി 465, 471 വകുപ്പുകൾ പ്രകാരം കേസെടുത്തിട്ടുണ്ട്. ഇവർ ചികിത്സ നടത്തുകയോ ആനുകൂല്യം പറ്റുകയോ ചെയ്തതായി അറിവില്ലെന്നും കൂടുതൽ തെളിവെടുപ്പുകളും അന്വേഷണവും നടത്തി വരികയാണെന്നും പോലീസ് പ്രതികരിച്ചു.
എന്നാൽ, സുഹൃത്തിനെ പറ്റിക്കാനാണ് വ്യാജ ഐ.ഡി നിർമിച്ചതെന്നും മറ്റു തെറ്റുകളൊന്നും തന്റെ ഭാഗത്തുനിന്ന് ഉണ്ടായിട്ടില്ലെന്നുമാണ് യുവതിയുടെ വാദം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group