ഓണാഘോഷത്തിലെ വടംവലി മത്സരത്തിനു പിന്നാലെ അധ്യാപകൻ കുഴഞ്ഞുവീണു മരിച്ചു

കൊച്ചി: കോളജിലെ ഓണാഘോഷത്തിന്റെ ഭാഗമായുള്ള വടംവലി മത്സരത്തിന് പിന്നാലെ കുഴഞ്ഞുവീണ അധ്യാപകൻ മരിച്ചു. എറണാകുളം തേവര എസ്.എച്ച് കോളജിലെ ഇംഗ്ലീഷ് വിഭാഗം അസിസ്റ്റന്റ് പ്രഫസറും സ്റ്റാഫ് സെക്രട്ടറിയുമായ തൊടുപുഴ കല്ലൂർക്കാട് വെട്ടുപാറക്കൽ ജെയിംസ് വി ജോർജ് (38) ആണ് മരിച്ചത്.

ബുധനാഴ്ച വൈകിട്ട് നാലോടെ കോളജിലെ അധ്യാപകരുടെ വടംവലി മത്സരത്തിൽ പങ്കെടുത്തശേഷം കുഴഞ്ഞു വീഴുകയായിരുന്നു. ഉടനെ കൊച്ചിയിലെ മെഡിക്കൽ ട്രസ്റ്റ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വെട്ടുപാറക്കൽ പരേതനായ വർക്കിയുടെയും മേരിയുടെയും മകനാണ്.
തൊടുപുഴ ന്യൂമാൻ കോളജ് അസി. പ്രഫസർ സോന ജോർജ് ഭാര്യയാണ്. രണ്ട് വയസുള്ള ഒരു കുഞ്ഞുണ്ട്.