ന്യൂദൽഹിഃ ഉത്തർ പ്രദേശിലെ റായ്ബറേലിയിൽനിന്ന് കോൺഗ്രസ് നേതാവ് രാഹുൽ ഗാന്ധി ലോക്സഭയിലേക്ക് മത്സരിക്കും. ഈ മാസം 20-ന് തെരഞ്ഞെടുപ്പ് നടക്കാനിരിക്കെയാണ് കോൺഗ്രസിന്റെ പ്രഖ്യാപനം. കഴിഞ്ഞ ലോക്സഭ തെരഞ്ഞെടുപ്പിൽ അമേഠിയിൽനിന്ന് മത്സരിച്ച രാഹുൽ ഗാന്ധി പരാജയപ്പെട്ടിരുന്നു. കേരളത്തിലെ വയനാട്ട് നിന്നും രാഹുൽ ലോക്സഭയിലേക്ക് മത്സരിക്കുന്നുണ്ട്. നിലവിൽ വയനാട് നിന്നുള്ള എം.പിയാണ്.
അമേഠിയിൽ കോൺഗ്രസിനെ പ്രതിനിധീകരിക്കുന്നത് ഗാന്ധി കുടുംബത്തിൻ്റെ ദീർഘകാല വിശ്വസ്തനായ കിഷോരി ലാൽ ശർമ്മയാണ്. പ്രിയങ്ക ഗാന്ധി റായ്ബറേലിയിൽനിന്നും രാഹുൽ അമേഠിയിൽനിന്നും മത്സരിക്കുമെന്നായിരുന്നു പ്രതീക്ഷിച്ചിരുന്നത്. രണ്ട് സ്ഥാനാർത്ഥികളും ഇന്ന് പത്രിക സമർപ്പിക്കും. അഞ്ചാം ഘട്ട തെരഞ്ഞെടുപ്പിനുള്ള നാമനിർദ്ദേശ പത്രിക സമർപ്പിക്കാനുള്ള അവസാന ദിവസം ഇന്നാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group