കൊട്ടപ്പുറം (മലപ്പുറം): സംസ്ഥാന സർക്കാറിന്റെ മുൻ അധ്യാപക അവാർഡ് ജേതാവും കോഴിക്കോട് മർകസുദ്ദഅ്‌വ മുൻ മാനേജറുമായ പി.വി കുഞ്ഞിക്കോയ മാസ്റ്റർ (85) നിര്യാതനായി. കൊട്ടപ്പുറം എ എം എൽ പി സ്‌കൂൾ മുൻ ഹെഡ്മാസ്റ്ററും മസ്ജിദുൽ മുജാഹിദീൻ വൈസ് പ്രസിഡന്റുമായി സേവനമനുഷ്ഠിച്ചിട്ടുണ്ട്. മയ്യിത്ത് നമസ്‌കാരം നാളെ (ബുധൻ) രാവിലെ പത്തിന് തലേക്കര ജുമാ മസ്ജിദിൽ നടക്കുമെന്ന് ബന്ധുക്കൾ അറിയിച്ചു.
ഏറ്റവും മികച്ച അധ്യാപകനുള്ള 1994-ലെ സംസ്ഥാന സർക്കാർ അവാർഡിന് അർഹനായിട്ടുണ്ട്. മുജാഹിദ് സംഘടനകളുടെ ആസ്ഥാന കേന്ദ്രമായ കോഴിക്കോട് മർകസുദ്ദഅവയിൽ ദീർഘകാലം മാനേജറായി പ്രവർത്തിച്ചിട്ടുണ്ട്. കൊട്ടപ്പുറം മസ്ജിദുൽ മുജാഹിദീൻ മഹല്ല് പ്രസിഡന്റ്, സെക്രട്ടറി, കൊട്ടപ്പുറം മദ്രസത്തുൽ മുജാഹിദീൻ മാനേജർ, കെ.എൻ.എം പുളിക്കൽ മണ്ഡലം പ്രസിഡന്റ്, കെ.എൻ.എം സംസ്ഥാന കൌൺസിലർ എന്നീ പദവികളിലും പ്രവർത്തിച്ചിട്ടുണ്ട്. ഭാര്യ: നബീസ കുട്ടി. മക്കൾ: റുഖിയ, ഹസ്സൻ, പരേതയായ സഹീദ, ജെസി മോൾ. മരുമക്കൾ: അബ്ദുൽ ബറു, എം.കെ ബഷീർ, ഇഖ്ബാൽ, ജുവൈരിയ.