അല്‍ബാഹ – ദിവസങ്ങള്‍ക്കു മുമ്പ് അല്‍ബാഹയില്‍ നിന്ന് ദുരൂഹ സാഹചര്യത്തില്‍ കാണാതായ സൗദി കോളേജ് വിദ്യാര്‍ഥിനിയെ കണ്ടെത്തിയതായി അല്‍ബാഹ പോലീസ് അറിയിച്ചു. വിദ്യാര്‍ഥിനിയുടെ ആരോഗ്യനില ഭദ്രമാണ്. സംഭവത്തില്‍ നിയമാനുസൃത നടപടികള്‍ സ്വീകരിച്ചുവരികയാണെന്ന് അല്‍ബാഹ പോലീസ് അറിയിച്ചു.
അല്‍ബാഹ ടെക്‌നിക്കല്‍ കോളേജ് വിദ്യാര്‍ഥിനി അശ്‌വാഖ് സഈദ് അല്‍സഹ്‌റാനിയെ ഞായറാഴ്ച മുതലാണ് കാണാതായത്. ഞായറാഴ്ച രാവിലെ കോളേജിലേക്ക് പോയ വിദ്യാര്‍ഥിനിയെ പിന്നീട് കാണാതാവുകയായിരുന്നു. വിദ്യാര്‍ഥിനിയെ കാണാതായതുമായി ബന്ധപ്പെട്ട റിപ്പോര്‍ട്ടുകള്‍ സാമൂഹികമാധ്യമങ്ങളില്‍ പ്രചരിച്ചിരുന്നു. പെണ്‍കുട്ടിയെ കണ്ടെത്താന്‍ കുടുംബം എല്ലാവരുടെയും സഹായം തേടുകയും ചെയ്തിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group