കണ്ണൂരിൽ ഖത്തീബ് കുഴഞ്ഞുവീണു മരിച്ചു

കണ്ണൂർ – ഖത്തീബ് കുഴഞ്ഞു വീണു മരിച്ചു. കണ്ണൂർ അഴീക്കോട് പൂതപ്പാറ സലഫി മസ്ജിദ് ഖത്തീബ്, മലപ്പുറം സ്വദേശി അബ്ദു‌ൽ കരീം സലഫി (47)യാണ് വാരത്തുള്ള വാടക വീട്ടിൽ മരിച്ചത്. ഹൃദയാഘാതമാണ് മരണം കാരണം. കുഴഞ്ഞു വീണ ഇദ്ദേഹത്തെ ഉടൻ ചാല കിംസ് ഹോസ്‌പിറ്റലിൽ പ്രവേശിപ്പിച്ചുവെങ്കിലും മരിച്ചു. കണ്ണൂർ അക്ലിയത്ത് സ്‌കൂൾ അറബിക് അധ്യാപകനാണ്. കണ്ണൂർ അൽ ഫിത്ത്വർ സ്‌കൂൾ അധ്യാപിക സഹീറയാണ് ഭാര്യ. മൂന്നു മക്കളുണ്ട്