പയ്യന്നൂർ: പയ്യന്നൂർ കവ്വായിയിൽ നിർമ്മാണം നടക്കുന്ന വീടിന്റെ മുകളിൽ നിന്നും വീണു പ്രവാസിയായ യുവാവ് മരിച്ചു. രാമനാട്ടുകര പുതുക്കോട് ശബാന മനസ്സിൽ സഹീർ കെ പി (43) ആണ് മരിച്ചത്.
ഇന്ന് ഉച്ചതിരിഞ്ഞാണ് സംഭവം.
കവ്വായിയിൽ കോഴിക്കോട് ഉള്ള എൻജിനീയറുടെ മേൽനോട്ടത്തിൽ പണിത വീടിന്റെ അറ്റകുറ്റ പണിക്ക് വന്നതായിരുന്നു സഹീർ. സൗദിയിൽ യാമ്പു അബ്‌ദുള്ള നാസർ സ്പെയർപാർട്‌സ് കടയിൽ ജോലി ചെയ്തു വരികയായിരുന്നു. ഏതാനും മാസം മുമ്പാണ് ലീവിൽ നാട്ടിൽ വന്നത്. സജീവ കെ.എം.സി.സി പ്രവർത്തകനാണ്.
നേരത്തെ പണിയെടുത്ത വീട്ടിൽ സുഹൃത്തുക്കൾ മെയിന്റനൻസ് പണിക്ക് പോകുന്നുണ്ടെന്ന് അറിഞ്ഞു ഇവർക്കൊപ്പം പയ്യന്നൂരിലെത്തിയതായിരുന്നു. വീടിൻ്റെ രണ്ടാം നിലയിൽ നിന്നും തലകറങ്ങി വീണതാണെന്നാണ് പറയുന്നത്. മൃതദേഹം പരിയാരം മെഡിക്കൽ കോളേജ് മോർച്ചറിയിലേക്ക് മാറ്റി. നാളെ (ഞായർ) പോസ്റ്റുമോർട്ടം നടക്കും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group