പട്ന- വിവാഹത്തിനായി കോടതിയിൽ എത്താതെ മുങ്ങിയ കാമുകന്റെ ജനനേന്ദ്രിയം മുറിച്ച വനിതാ ഡോക്ടറായ കാമുകി പിടിയിൽ. ബീഹാറിലെ സരണ് ജില്ലയിലാണ് സംഭവം നടന്നത്. യുവതിയെ അറസ്റ്റ് ചെയ്ത് പോലീസ് വധശ്രമത്തിന് കേസെടുത്തു. പരിക്കേറ്റ യുവാവ് ആശുപത്രിയിൽ ചികിത്സയിലാണ്.
ഇരുവരും കഴിഞ്ഞ അഞ്ചുവർഷമായി പ്രണയത്തിലായിരുന്നു. എന്നാൽ തന്നെ വിവാഹം ചെയ്യാൻ യുവാവ് വിസമ്മതിച്ചു. കുറച്ച് ദിവസം മുമ്പാണ് കോടതിയിൽവെച്ച് രജിസ്റ്റര് വിവാഹം ചെയ്യാന് യുവാവ് സമ്മതിച്ചു. എന്നാല് വിവാഹദിവസം ഇദ്ദേഹം കോടതിയിലേക്ക് എത്തിയില്ല.
ഇതിന് ശേഷം യുവതി ഇദ്ദേഹത്തെ വീട്ടിലേക്ക് വിളിച്ചുവരുത്തി. വീട്ടിലെത്തിയ യുവാവിനെ വനിതാ ഡോക്ടര് ആക്രമിക്കുകയും ഇദ്ദേഹത്തിന്റെ ജനനേന്ദ്രിയം മുറിച്ചുമാറ്റുകയുമായിരുന്നു. യുവാവിന്റെ നിലവിളി കേട്ട് നാട്ടുകാര് ഓടിക്കൂടിയിരുന്നു. നാട്ടുകാരാണ് വിവരം പോലീസിനെ അറിയിച്ചത്. പോലീസ് വീട്ടിലെത്തിയപ്പോൾ രക്തത്തില് കുളിച്ച് കിടക്കുന്ന യുവാവിനെയാണ് കണ്ടത്. ഉടന് തന്നെ ഇദ്ദേഹത്തെ ആശുപത്രിയിലെത്തിക്കുകയായിരുന്നു.