പാരീസ് ഒളിംപിക്സിൽ ഇന്ത്യക്ക് ആദ്യമെഡൽ, ചരിത്രം കുറിച്ച് മനു ഭേക്കർ

പാരീസ്- പാരീസ് ഒളിംപിക്സിൽ ഇന്ത്യക്ക് ആദ്യ മെഡൽ. ചാറ്ററോക്‌സ് ഷൂട്ടിംഗ് സെൻ്ററിൽ നടന്ന വനിതകളുടെ 10 മീറ്റർ എയർ പിസ്റ്റൾ ഫൈനലിൽ ഇന്ത്യയുടെ ഷൂട്ടർ മനു ഭേക്കർ വെങ്കലം നേടി. ഈ ഒളിംപിക്സിൽ ഇന്ത്യയുടെ ആദ്യ മെഡലാണിത്. ഒളിംപിക്സ് ഗെയിംസിൽ ഷൂട്ടിംഗിൽ മെഡൽ നേടുന്ന ആദ്യ ഇന്ത്യൻ വനിതയായി ഭേക്കർ ചരിത്രം രചിക്കുകയും ചെയ്തു.

221.7 പോയിന്റ് നേടിയാണ് മനു ഭാക്കര്‍ ഇന്ത്യക്കായി വെങ്കലം കരസ്ഥമാക്കിയത്. യോഗ്യതാ റൗണ്ടില്‍ മൂന്നാം സ്ഥാനവുമായാണ് മനു ഭാക്കര്‍ ഫൈനലിലേക്ക് പ്രവേശിച്ചത്.

അർജുൻ ബാബുത, രമിത ജിൻഡാൽ എന്നിവർ പുരുഷന്മാരുടെയും വനിതകളുടെയും 10 മീറ്റർ എയർ റൈഫിൾ ഫൈനലിലേക്ക് യോഗ്യത നേടി ഇന്ത്യയുടെ മെഡൽ പ്രതീക്ഷ ഉയർത്തി. ക്വാർട്ടർ ഫൈനലിൽ ഇന്ത്യൻ വനിതാ അമ്പെയ്ത്ത് ടീം നെതർലൻഡിനെ നേരിടും.