ഭീകരവാദത്തിനെതിരെ ഒരുമിച്ച് പോരാടും; ഇന്ത്യ – മലേഷ്യ സഹകരണത്തിന് വിവിധ ധാരണ പത്രങ്ങളിൽ ഒപ്പുവെച്ചു

ന്യൂഡൽഹി– പ്രതിരോധം, ഊർജ്ജം, വ്യാപാരം തുടങ്ങിയ തന്ത്രപ്രധാന മേഖലകളിൽ സഹകരണം ഉറപ്പാക്കിക്കൊണ്ട് ഇന്ത്യയും മലേഷ്യയും തമ്മിൽ വിവിധ ധാരണാപത്രങ്ങളിൽ ഒപ്പുവെച്ചു. മലേഷ്യൻ പ്രധാനമന്ത്രി അൻവർ ഇബ്രാഹിം നൽകിയ ഗാർഡ് ഓഫ് ഓണർ സ്വീകരിച്ച ശേഷം പ്രധാനമന്ത്രി നരേന്ദ്ര മോദിയുമായി നടത്തിയ ഉഭയകക്ഷി-പ്രതിനിധിതല ചർച്ചകൾക്കൊടുവിലാണ് സുപ്രധാന കരാറുകൾ യാഥാർത്ഥ്യമായത്. തമിഴ് സിനിമകളുടെ പ്രോത്സാഹനത്തിന് പ്രത്യേക കരാറായതിനൊപ്പം, മലേഷ്യയിൽ പുതിയ ഇന്ത്യൻ കോൺസുലേറ്റ് തുറക്കുമെന്ന നിർണ്ണായക പ്രഖ്യാപനവും പ്രധാനമന്ത്രി നടത്തി. ഇൻഡോ-പസഫിക് മേഖലയിലെ സമാധാനത്തിനും ഭീകരവാദത്തിനെതിരെയുള്ള വിട്ടുവീഴ്ചയില്ലാത്ത പോരാട്ടത്തിനും ഇരുരാജ്യങ്ങളും ഒരേപോലെ പ്രതിജ്ഞാബദ്ധരാണെന്ന് നേതാക്കൾ സംയുക്ത പ്രസ്താവനയിലൂടെ വ്യക്തമാക്കി.