ജിദ്ദ- സൗദി അറേബ്യയിൽനിന്നുള്ള പ്രവാസികൾക്ക് വിസ സേവനങ്ങൾ ലഭ്യമാകുന്ന മുഖീം പോർട്ടലിൽ വന്ന അപ്ഡേഷൻ സംബന്ധിച്ച് കഴിഞ്ഞ ദിവസം ദ മലയാളം ന്യൂസ് വാർത്ത പ്രസിദ്ധീകരിച്ചിരുന്നു.
അവധി കഴിഞ്ഞ് തിരിച്ചുവരുന്ന പ്രവാസികൾ അതാത് വിമാനതാവളത്തിൽ കാണിക്കേണ്ട റീ എൻട്രി പേപ്പർ മുഖീം സൈറ്റിൽനിന്ന് ലഭ്യമാകുന്നതിലെ സാങ്കേതിക പ്രശ്നങ്ങൾ സംബന്ധിച്ചായിരുന്നു വാർത്ത.
മുഖീം സൈറ്റിൽ ലോഗിൻ ചെയ്യേണ്ടത് എങ്ങിനെയാണെന്ന് അറിയാം.
മുഖീമിന്റെ പുതിയ ലിങ്ക്. ഇതിൽ പ്രവേശിച്ചു വേണം ലോഗിൻ ചെയ്യാൻ
ഈ ലിങ്കിൽ പ്രവേശിച്ച ശേഷം രജിസ്ട്രേഷൻ എന്ന സ്ഥലത്ത് ക്ലിക്ക് ചെയ്യുക.
ഇവിടെ ഇഖാമ നമ്പർ, ജനന തിയതി, ഇ-മെയിൽ ഐ.ഡി, ഫോൺ നമ്പർ, സ്പോൺസറുടെ വാറ്റ് നമ്പർ, അപേക്ഷകന്റെ വിലാസം എന്നിവ നൽകിയ ശേഷം രജിസ്റ്റർ ചെയ്യുക.
ഇതിന് ശേഷം ഇ-മെയിലിൽ ഒ.ടി.പി വരും. അതിനു ശേഷം മെയിലിലേക്ക് user activation link വരും, അതില്‍ ക്ലിക്ക് ചെയ്ത് user name ഉം password ഉം സെറ്റ് ചെയ്യുക.
ശേഷം https://vv.muqeem.sa/ ലിങ്കില്‍ വന്ന് ലോഗിന്‍ ചെയ്താല്‍ പഴയപോലെ വിസ വിവരങ്ങള്‍ പരിശോധിക്കാവുന്നതാണ്.