വീട്ടില്‍ നിര്‍ത്തിയിട്ട മൂന്ന് ബൈക്കുകള്‍ കത്തി നശിച്ചു’
എടപ്പാൾ: പോലീസില്‍ പരാതി നല്‍കിയതിന് പ്രതികാരം തീര്‍ക്കാന്‍ വധുവിന്റെ വീടിന് തീയിട്ട് നവവരന്‍. പാറപ്പുറം മാങ്ങാട്ടൂര്‍ റോഡില്‍ പള്ളിക്കര വീട്ടില്‍ ഹരിതയുടെ വീട്ടിലാണ് പുലര്‍ച്ചെ തീയിട്ടത്.നിര്‍ത്തിയിട്ട മുന്ന് ബൈക്കുകള്‍ കത്തി നശിച്ചു.വീടിന്റെ ചുമരുകളും ജനലും കത്തി.പൊന്നാനിയില്‍ നിന്നെത്തിയ പോലീസും ഫയര്‍ഫോഴ്സും നാട്ടുകാരും ചേര്‍ന്ന് തീ അണച്ചതിനാല്‍ വലിയ ദുരന്തം ഒഴിവായി.ഹരിതയുടെ ഭര്‍ത്താവ് വിനീഷ് ആണ് വീടിന് തീയിട്ടതെന്നാണ് നിഗമനം.
9 മാസം മുമ്പാണ് വക്കേക്കാട് സ്വദേശിയായ വിനീഷും കാലടി സ്വദേശിയായ ഹരിതയും വിവാഹിതരായത്‌.ഭര്‍ത്താവ് ഉപദ്രവിക്കാന്‍ തുടങ്ങിയതോടെ ഒരു മാസം തികയും മുമ്പ് ഇവരുടെ വീട്ടിലേക്ക് തിരിച്ച് വരികയും ചെയ്തിരുന്നു.ഗാര്‍ഹിക പീഡന പരാതിയില്‍ വിനീഷിനെതിരെ പോലീസ് കേസെടുക്കുകയും ചെയ്തു.പിന്നീട് വിദേശത്തായിരുന്ന വിനീഷ് നട്ടിലെത്തി കഴിഞ്ഞ ദിവസം ഹരിതയെ കൊല്ലുമെന്ന് ഭീഷണി പെടുത്തിയിരുന്നു.ഈപരാതിയില്‍ ഇയാളോട് ഇന്ന് 11 മണിക്ക് പൊന്നാനി സ്റ്റേഷനില്‍ ഹാജറാവാന്‍ ആവശ്യപ്പെടുകയും ചെയ്തിരുന്നു.
ഇതിനിടെയാണ് പുലര്‍ച്ചെ ഒരു മണിയോടെ ഹരിതയുടെ വീടിന് തീയിട്ടത്.സംഭവത്തില്‍ പൊന്നാനി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.ദേഹാസ്യസ്ഥത അനുഭവപ്പെട്ടതിനെ തുടര്‍ന്ന് ഹരിതയെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്