കടുത്ത പനി; സീതാറാം യെച്ചൂരിയെ ആശുപത്രിയിൽ പ്രവേശിപ്പിച്ചു

ന്യൂഡൽഹി: കടുത്ത പനിയെത്തുടർന്ന് സി.പി.എം ജനറൽ സെക്രട്ടറി സീതാറാം യെച്ചൂരിയെ ഡൽഹി എയിംസ് ആശുപത്രിയിൽ പ്രവേശിപ്പിച്ചു. തിങ്കളാഴ്ച വൈകീട്ടാണ് ആശുപത്രിയിൽ പ്രവേശിപ്പിച്ചത്.

നിലവിൽ അത്യാഹിത വിഭാഗത്തിലാണ് പ്രവേശിപ്പിച്ചതെന്ന് അറിയിച്ച എയിംസ് അധികൃതർ ആരോഗ്യനിലയുടെ മറ്റ് വിശദാംശങ്ങളൊന്നും പുറത്തുവിട്ടിട്ടില്ല.

യെച്ചൂരിയ്ക്ക് ന്യുമോണിയ സ്ഥിരീകരിച്ചിട്ടുണ്ടെന്നും ഭയപ്പെടാനില്ലെന്നാണ് അറിയാൻ സാധിച്ചതെന്നും സി.പി.എം വൃത്തങ്ങൾ അറിയിച്ചു. അടുത്തിടെ യെച്ചൂരി തിമിര ശസ്ത്രക്രിയയ്ക്ക് വിധേയനായിരുന്നു.