കൊച്ചി- സിനിമ മേഖലയിൽ സ്ത്രീകൾ നേരിടുന്ന പ്രശ്നം പഠിക്കാൻ നിയോഗിച്ച ഹേമ കമ്മിറ്റി തയ്യാറാക്കിയ റിപ്പോർട്ട് ഉടൻ പുറത്തുവിടുമെന്ന് സൂചന. റിപ്പോർട്ട് പുറത്തുവിടുന്നതിന് മുമ്പ് മൊഴി നൽകിയവർക്ക് ആദ്യം നൽകണമെന്ന് ആവശ്യപ്പെട്ട് നടി രഞ്ജിനി നൽകിയ ഹരജി ഹൈക്കോടതി തള്ളിയ പശ്ചാതലത്തിലാണ് നീക്കം. അപേക്ഷ നൽകിയവർ നേരിട്ടെത്തി റിപ്പോർട്ട് കൈപ്പറ്റണമെന്ന് സാംസ്കാരിക വകുപ്പ് നേരിട്ട് അറിയിച്ചു. ഉച്ചക്ക് രണ്ടുമണിയോടെ റിപ്പോർട്ട് പുറത്തുവരും.
ഹരജിക്കാരിക്ക് ആവശ്യമെങ്കിൽ സിംഗിൾ ബെഞ്ചിനെ സമീപിക്കാമെന്നും ഹൈക്കോടതി ഉത്തരവിട്ടു. റിപ്പോർട്ട് പുറത്തുവരരുത് എന്നാണോ പരാതിക്കാരിയുടെ ആവശ്യമെന്നും കോടതി ചോദിച്ചു. തുടർന്ന് ഹരജി ഹൈക്കോടതി തള്ളുകയായിരുന്നു. ഇക്കാര്യത്തിൽ സർക്കാറാണ് റിപ്പോർട്ട് പുറത്തുവിടുന്നത് സംബന്ധിച്ച് തീരുമാനം എടുക്കേണ്ടത്. ഇന്ന് വൈകിട്ടോടെ സർക്കാർ റിപ്പോർട്ട് പുറത്തുവിടുമെന്നാണ് സൂചന.