കണ്ണൂർ സെൻട്രൽ ജയിൽചാടിയ ഗോവിന്ദ ചാമി പിടിയിലെന്ന് സൂചന

കണ്ണൂർ– കണ്ണൂർ സെൻട്രൽ ജയിലിൽനിന്നും രക്ഷപ്പെട്ട ഗോവിന്ദ ചാമി പിടിയിലായതായി സൂചന. ജയിലിൽ നിന്നും നാല് കിലോമീറ്റർ അകലെയുള്ള കണ്ണൂർ തളാപ്പ് വീട്ടിൽ നിന്നാണ് പിടികൂടിയതെന്നാണ് വിവരം. പോലീസ് സംഘം വീട് വളഞ്ഞിരിക്കുകയാണ്. ട്രെയിനിൽനിന്ന് പെൺകുട്ടിയെ തള്ളിയിട്ട് ക്രൂരമായി ബലാത്സംഗം ചെയ്ത് കൊലപ്പെടുത്തിയ കേസിലെ പ്രതിയാണ് ഗോവിന്ദ ചാമി.

രാവിലെ സെൽ തുറന്ന് പരിശോധിച്ചപ്പോഴാണ് ഗോവിന്ദ ചാമിയെ കാണാനില്ലെന്ന വിവരം അറിഞ്ഞത്. പെൺകുട്ടിയെ കൊലപ്പെടുത്തിയ കേസിൽ നേരത്തെ ഗോവിന്ദ ചാമിയെ വധശിക്ഷക്ക് വിധിച്ചിരുന്നു. ഇത് പിന്നീട് സുപ്രീം കോടതി റദ്ദാക്കി.