സിബിഎസ്ഇ 10, 12 ക്ലാസ് പരീക്ഷകളുടെ തീയതി പ്രഖ്യാപിച്ചു

ന്യൂദൽഹി: സിബിഎസ്ഇ 10, 12 ക്ലാസുകളിലേക്കുള്ള പൊതുപരീക്ഷാ തിയതികൾ പ്രസിദ്ധീകരിച്ചു. 2025 ഫെബ്രുവരി 15ന് ആരംഭിക്കും. പത്താം ക്ലാസിൽ ഇംഗ്ലീഷ് ആയിരിക്കും ആദ്യത്തെ പരീക്ഷ. പന്ത്രണ്ടാം ക്ലാസിൽ ഒൻട്രപ്രനർഷിപ്പ് ആയിരിക്കും ആദ്യത്തെ പരീക്ഷ. പ്രാക്ടിക്കൽ പരീക്ഷകളുടെ നടത്തിപ്പ് സംബന്ധിച്ച വിശദാംശങ്ങൾ സിബിഎസ്ഇ അടുത്തിടെ പുറത്തുവിട്ടിരുന്നു. പത്താം ക്ലാസ് പ്രായോഗിക പരീക്ഷകൾ 2025 ജനുവരി ഒന്നു മുതലും പന്ത്രണ്ടാം ക്ലാസിലെ പരീക്ഷകൾ ഫെബ്രുവരി 15നും ആരംഭിക്കും. എക്‌സ്‌റ്റേണൽ എക്‌സാമിനറുടെ മേൽനോട്ടത്തിലായിരിക്കും ഇവ നടക്കുക. പത്താം ക്ലാസ് പ്രായോഗിക പരീക്ഷകൾ സ്‌കൂൾ അധ്യാപകരുടെ മേൽനോട്ടത്തിലായിരിക്കും നടത്തുക.