മക്കരപ്പറമ്പ്: ഏറെക്കാലം മലയാളം ന്യൂസിന്റെ ജിസാൻ, ബീഷ ലേഖകനായി പ്രവർത്തിച്ച, പ്രാദേശിക ചരിത്ര ഗ്രന്ഥകർത്താവും എഴുത്തുകാരനും ചരിത്രാന്വേഷിയുമായ മലപ്പുറം വടക്കാങ്ങരരയിലെ കുറ്റിക്കാട്ടിൽ അബ്ദുറഹിമാൻ അന്തരിച്ചു.
വടക്കാങ്ങര അംശം ദേശ ചരിത്ര പുസ്തകത്തിന്റെ രചയിതാവായ അബ്ദുറഹ്മാൻ കുറ്റിക്കാട്ടിൻ ഏറെക്കാലം മലയാളം ന്യൂസിൽ കോളമിസ്റ്റായും പ്രവർത്തിച്ചു. സാമൂഹ്യ മാധ്യമങ്ങളിലൂടെ പ്രാദേശിക ചരിത്ര രചനകൾ നടത്തി ശ്രദ്ധേയനുമാണ്.എൽ.ഐ.സി ഏജന്റുമായി ദീർഘകാലം പ്രവർത്തിച്ചിട്ടുണ്ട്, മുസ്ലിം യൂത്ത് ലീഗ് സംസ്ഥാന കൗൺസിലർ, മങ്കട മണ്ഡലം ജോൺ സെക്രട്ടറി കെ.എം.സി.സിയുടെ സംസ്ഥാന കമ്മിറ്റി അംഗം റിയാദ് മലപ്പുറം ജില്ലാ കെ.എം.സി.സി വൈസ് പ്രസിഡൻറ് സൗദി ബിഷ കെ.എം.സി.സി ജനറൽ സെക്രട്ടറി ജിസാൻ കെ.എം.സി.സി സെക്രട്ടറി ബെയ്സ് കെ.എം.സി.സി പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്.