കെ എസ് ആർ ടി സി ബസിൽനിന്ന് തെറിച്ചുവീണ് സ്ത്രീ മരിച്ചു

ഇടുക്കി: കട്ടപ്പനയിൽ ഓടിക്കൊണ്ടിരിക്കെ കെ എസ് ആർ ടി സി ബസിൽ നിന്ന് തെറിച്ചുവീണ് സ്ത്രീ മരിച്ചു. ഏലപ്പാറ ചീന്തലാർ സ്വദേശി സ്വർണമ്മയാണ് മരിച്ചത്. കട്ടപ്പന കുട്ടിക്കാനം ചിന്നാർ നാലാം മൈലിന് സമീപത്ത് വച്ചായിരുന്നു അപകടം.

ബസ് വളവു തിരിയുന്നതിനിടെ ഡോർ തുറന്നു പോകുകയും ബസിലുണ്ടായിരുന്ന സ്വർണമ്മ റോഡിലേക്ക് തെറിച്ചു വീഴുകയുമായിരുന്നു. ഗുരുതര പരുക്കുകകളോടെ ഉടനെ നാട്ടുകാരും യാത്രക്കാരും ചേർന്ന് കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും വഴിമധ്യേ മരിക്കുകയായിരുന്നു.