കൊച്ചി : വേണാട് എക്‌സ്പ്രസിന് മെയ് ഒന്നു മുതല്‍ എറണാകുളം ജംഗ്ഷനില്‍ (സൗത്ത് സ്റ്റേഷന്‍) സ്റ്റോപ്പുണ്ടാകില്ല. ഇനി മുതല്‍ എറണാകുളം നോര്‍ത്ത് വഴിയാകും സര്‍വ്വീസ് നടത്തുക. ഷൊര്‍ണൂര്‍ നിന്ന് തിരിച്ചുള്ള സര്‍വീസിലും എറണാകുളം സൗത്തില്‍ ട്രെയിന്‍ എത്തില്ല. ഇതോടെ എറണാകുളം നോര്‍ത്ത്-ഷൊര്‍ണൂര്‍ റൂട്ടില്‍ വേണാട് എക്സ്പ്രസ് സാധാരണ സമയത്തെക്കാള്‍ 30 മിനിറ്റ് നേരത്തെ ഓടും.16302 തിരുവനന്തപുരം -ഷൊർണൂർ വേണാട് ഇനി മുതൽ എറണാകുളം നോർത്ത് സ്റ്റേഷനിൽ അര മണിക്കൂർ നേരത്തെയെത്തും. 16301 ഷൊർണൂർ- തിരുവന്തപുരം വേണാട് എക്സ്പ്രസ് എറണാകുളം ടൗൺ സ്റ്റേഷനിൽ വൈകീട്ട് 5.15-നെത്തും. ഇതോടെ ഷൊർണൂർ റൂട്ടിലെ എറണാകുളം മുതലുള്ള ഓരോ സ്റ്റേഷനിലും വേണാട് എക്സ്പ്രസ് 30 മിനുട്ട് നേരത്തെയും എറണാകുളം നോർത്ത് മുതൽ തിരുവനന്തപുരം വരെ എല്ലാ സ്റ്റേഷനിലും പുതിയ സമയക്രമം പ്രകാരം 15 മിനിറ്റ് നേരത്തെയും എത്തിച്ചേരുന്നതാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group