കൊച്ചി: തനിക്കെതിരായ ബലാത്സംഗക്കേസ് ആസൂത്രിതമാണെന്ന് റാപ്പർ വേടൻ. തന്നെ വേട്ടയാടാൻ ശ്രമിക്കുകയാണെന്നും കേസ് നിയമപരമായി നേരിടുമെന്നും വേടൻ പറഞ്ഞു. ഹൈക്കോടതിയില്‍ വേടന്‍ ഇന്ന് മുന്‍കൂര്‍ ജാമ്യാപേക്ഷ നല്‍കും. ബലാത്സംഗക്കേസ് ആസൂത്രിതമാണെന്നതിന് തന്റെ പക്കൽ തെളിവുണ്ടെന്നും പുറത്ത് വിടുമെന്നും വേടൻ അറിയിച്ചു.
കോഴിക്കോട് സ്വദേശിയായ യുവ വനിതാ ഡോക്ടര്‍ നല്‍കിയ പരാതിയിലാണ് വേടനെതിരെ പൊലീസ് കേസ് എടുത്തത്. തൃക്കാക്കര പോലീസാണ് കേസെടുത്തത്. 2021 ഓഗസ്റ്റ് മുതല്‍ 2023 മാര്‍ച്ചുവരെ വിവിധ സ്ഥലങ്ങളില്‍ എത്തിച്ച് വിവാഹ വാഗ്ദാനം നല്‍കി പീഡിപ്പിച്ചെന്നാണ് കേസ്. സാമൂഹിക മാധ്യമത്തിലൂടെയാണ് ഇരുവരും പരിചയപ്പെട്ടത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group