കണ്ണൂർ – കണ്ണൂരിൽ വ്യത്യസ്ത വാഹനാപകടങ്ങളിൽ രണ്ട് പേർ മരിച്ചു. കണ്ണൂർ നഗരത്തിലുണ്ടായ അപകടത്തിൽ പയ്യാമ്പലം സ്വദേശി കെ.അബ്ദുൽ സാബിതും (21), പഴയങ്ങാടിയുണ്ടായ അപകടത്തിൽ
താവം പള്ളിക്കരയിലെ ബൈജു മണപ്പുറത്തുമാണ് ( 52) മരിച്ചത്.
കണ്ണൂർ താണയിൽ, നിർത്തിയിട്ട ടൂറിസ്റ്റ് ബസിന് പിറകിൽ ബൈക്കിടിച്ചാണ്
പയ്യാമ്പലം റെഡ് ക്രോസ് റോഡിന് സമീപത്തെ സാബിറാസിൽ കെ.അബ്ദുൾ സാബിത് (21) മരിച്ചത്. ഒപ്പമുണ്ടായിരുന്ന താണയിലെ നൗഫലിന്റെ മകൻ റബീഹിനെ (16) ഗുരുതര പരിക്കുകളോടെ കണ്ണൂർ മിംസ് ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ യാണ് അപകടം.താണയിൽ ബസ് സ്റ്റോപ്പിന് സമീപം നിർത്തിയിട്ട ടൂറിസ്റ്റ് ബസിന്റെ പിറകിൽ ഇടിച്ചായിരുന്നുഅപകടം. നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്. മരണപ്പെട്ട അബ്ദുൾ സാബിത്ത് അവസാന വർഷ ഡിഗ്രി വിദ്യാർത്ഥിയാണ്.
ഇ.അഫ്‌സൽ-ദിഷാറ ദമ്പതികളുടെ മകനാണ്. സഹോദരങ്ങൾ: അബ്ര, അമ്ര. ടൗൺ പോലീസ് ഇൻക്വസ്റ്റ് നടത്തി.
പഴയങ്ങാടി പാലത്തിലുണ്ടായ വാഹനാപകടത്തിലാണ്
താവം പള്ളിക്കരയിലെ ബൈജു മണപ്പുറത്ത് (52) മരിച്ചത്. പരേതയായ മണി- തിലകൻ ദമ്പതികളുടെ മകനാണ്. ഭാര്യ സിന്ധു (ചെറുകുന്ന് സർവ്വീസ് ബേങ്ക് ബിൽ കളക്ടർ ). മക്കൾ ആദിശേഷൻ, ആര്യലക്ഷ്‌മി (ഇരുവരും വിദ്യാർഥികൾ)
ഫോട്ടോ – സാബിത്ത്, ബൈജു.