വാഴക്കാട് നിന്ന് കാണാതായ മൂന്ന് പെൺകുട്ടികളെയും കണ്ടെത്തി

മലപ്പുറം: മലപ്പുറം ജില്ലയിലെ വാഴക്കാട് ഷെൽട്ടർ ഹോമിൽ നിന്ന് കാണാതായ മൂന്ന് പെൺകുട്ടികളെയും കണ്ടെത്തി. കോഴിക്കോട് ബീച്ചിൽ നിന്നാണ് ആറ്, ഏഴ്, എട്ട് ക്ലാസുകളിൽ പഠിക്കുന്ന മൂന്ന് പേരെയും കണ്ടെത്തിയത്.

ഞായറാഴ്ച ഉച്ചയോടെയാണ് പെൺകുട്ടികളെ കാണാതായത്. തുടർന്ന് വാഴക്കാട് പോലീസ് കേസെടുത്ത് സ്ഥലത്തെ സി.സി.ടി.വി ദൃശ്യങ്ങൾ അടക്കം പരിശോധിച്ച് അന്വേഷണം ഊർജിതമാക്കിയതിനിടെയാണ് പെൺകുട്ടികളെ കോഴിക്കോട് നിന്ന് കണ്ടെത്തിയത്.