ആലപ്പുഴ- ആടുജീവിതം സിനിമയിലെ യഥാര്‍ഥ കഥാപാത്രമായ നജീബിന്‍റെ കൊച്ചുമകള്‍ സഫാ മറിയം അന്തരിച്ചു. പെട്ടെന്നുണ്ടായ അസുഖത്തെ തുടര്‍ന്നാണ് നജീബിന്‍റെ മകന്‍റെ മകളായ ഒന്നരവയസുകാരി മരണപ്പെട്ടത്. സാഹിത്യകാരന്‍ ബെന്യാമിന്‍ ആണ് വിവരം ഫെസ്ബുക്കിലൂടെ പങ്കുവച്ചത്.
നജീബിന്‍റെ ജീവിതം ആസ്പദമാക്കിയുള്ള ആടുജീവിതം സിനിമ ഇറങ്ങാന്‍ ദിവസങ്ങള്‍ ശേഷിക്കേയാണ് ദുഃഖകരമായ വാര്‍ത്ത പുറത്ത് വന്നത്. ബെന്യാമിന്‍ എഴുതിയ ആടുജീവിതം സിനിമയാക്കിയത് സംവിധായകന്‍ ബ്ലസിയാണ്. മാര്‍ച്ച് 28 നാണ് ചിത്രം തിയറ്ററുകളില്‍ എത്തുന്നത്. പൃഥ്വിരാജാണ് ചിത്രത്തില്‍ നജീബിന്‍റെ വേഷം ചെയ്യുന്നത്. എ.ആര്‍ റഹ്മാന്‍ സംഗീതം പകര്‍ന്ന ചിത്രത്തില്‍ നായികയായി എത്തുന്നത് അമല പോള്‍ ആണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group